Eron AQŞ aviataşuvçisiga 4 ta ballistik raketa otilganini malum qildi

2026 yil 1 mart kuni Eronning Islom inqilobi qöriqçilari korpusi (IIQK) AQŞning USS Abraham Lincoln aviataşuvçisiga 4 ta ballistik raketa otilganini malum qildi.

Tehronda joylaşgan Tasnim agentligi xabariga köra, uşbu zarbalar «Haqiqiy vada – 4» amaliyoti doirasida amalga oşirilgan. IIQK bayonotida aytilişiça, Eron qurolli kuçlarining «qudratli zarbalari yangi bosqiçga ötgan» va «duşman uçun yer va dengiz qabrga aylanadi».

IIQK yakşanba kuni «Haqiqiy vada – 4» operatsiyasining yettinçi va sakkizinçi tölqinlari boşlanganini ham elon qildi. Bayonotga köra, bu harakatlar AQŞ va Isroil tomonidan boşlangan «agressiya»ga javob sifatida amalga oşirilmoqda.
Eron tomoni Isroil hududidagi harbiy obektlarga, jumladan Tel-Aviv va Xayfa şaharlariga aniq zarbalar berilganini bildirgan. Xabarlarda aytilişiça, xavfsizlik tahdidi kuçaygani sabab Isroil rasmiylari yerosti bunkerlariga joylaşgan.
IIQK bayonotida Ğarbiy Osiyodagi AQŞ obektlari, jumladan Bahrayndagi Beşinçi flot ham nişonga olingani qayd etilgan. Şuningdek, Qatar va BAAdagi ayrim harbiy infratuzilmalarga ham zarba berilgani malum qilingan.

AQŞ Markaziy qömondonligi esa IIQKning bu iddaosini rad qildi.

«Aviataşuvçi AQŞ xalqini Eron rejimi tomonidan yuzaga kelayotgan tahdidlarni bartaraf etiş orqali himoya qiliş kampaniyasini qöllab-quvvatlaş maqsadida samolyotlarni uçirişda davom etmoqda», – deyiladi qömondonlik bayonotida.