Erondagi uruş sabab oltin narxi keskin kötarildi

AQŞ va Isroilning Eronga bergan zarbalaridan söng birjada oltin narxi keskin oşdi. Bugun, 2 mart kungi savdolarda Çikago tovar birjasida (CME) aprel oyidagi oltin fyuçerslari narxi 2,88 foizga kötarilib, bir untsiya uçun 5399 dollarni taşkil etdi. Bu haqda “Reuters” xabar berdi.

Naşrning yozişiça, avvallari ehtimoli past deb hisoblangan Yaqin Şarqdagi mojaro endilikda investorlar uçun asosiy muammoga aylangan. Ular mintaqaviy uruşning çözilib ketişi jahon savdosidan tortib inflyatsiyagaça bölgan barça sohalarga tasir qilişidan xavotirda.

KCM Trade boş bozor tahlilçisi Tim Uoterrning fikriça, oltinga bölgan talab “xavfsiz aktiv” sifatida yanada oşadi. Bunga inflyatsiyadan qörqiş, mojaroning davomiyligi va unga boşqa davlatlarning aralaşiş xavfi sabab bölmoqda.

“Fond bozorlari va boşqa xavfli aktivlar katta ehtimol bilan sotuvga çiqariladi (pasayadi). Investorlar öz mablağlarini qayerga yönaltirişni qidiradilar va bu röyxatda oltin birinçi örinda turadi”, deydi u.

Tahlilçilarning oltin bozori böyiça prognozlari

City Index va Forex.com bozor tahlilçisi Favad Razakzoda oltin narxi bir untsiya uçun 5500 dollargaça, ehtimol yanvar oyidagi rekord – 5600 dollardan ham yuqoriroqqa kötarilişini istisno etmayapti. Biroq ekspertning fikriça, AQŞ dollari kursining qayta tiklanişi oltin narxining bundan yuqoriga ösişini çeklab qöyişi mumkin.