Qozoğiston Rossiyadan ğalla importini taqiqladi

Qozoğiston Rossiyadan bir qator ğalla ekinlari, ularni qayta işlaş mahsulotlari, şuningdek, hayvonlar uçun yem sifatida işlatiladigan qayta işlangan mahsulotlar va tayyor yemlarni olib kirişga vaqtinçalik taqiq joriy etdi. Bu haqda Qozoğiston Ğalla ittifoqi tahlil qömitasi rahbari Yevgeniy Karabanov Qozoğiston Qişloq xöjaligi vazirligining Agrosanoat majmuasidagi davlat inspektsiyasi qömitasi qaroriga tayanib, özining Telegram-kanalida malum qildi.

Uning sözlariga köra, Qozoğiston temir yöllari ham Rossiya ğallasi ortilgan vagonlarni orqaga qaytaradi. Taqiq Rossiyadagi epizootik (hayvonlar örtasidagi yuqumli kasalliklar) vaziyat yomonlaşgani fonida veterinariya xavfsizligini taminlaş zarurati bilan izohlangan.

“Qozoğiston Respublikasi Qişloq xöjaligi vazirligi Agrosanoat majmuasidagi davlat inspektsiyasi qömitasi 2026 yil 21 martdagi hujjat bilan Rossiya Federatsiyasidan bir qator ğalla ekinlari, ularni qayta işlaş mahsulotlari, şuningdek, hayvonlar uçun yem tarkibiy qismlari va tayyor yemlarni olib kirişga taqiq joriy etdi”, deydi Yevgeniy Karabanov.

Çeklovlar quyidagi mahsulotlarga taalluqli: buğdoy (barça turlari), javdar, arpa, suli, makkajöxori, soya dukkaklari (uruğlikdan taşqari hammasi), kepak, kraxmal işlab çiqariş çiqindilari, lavlagi jomi, buğdoy bardasi, pivoçilik drobinasi (çiqindisi), kunjara va şrot, hayvonlar uçun yem işlab çiqarişda işlatiladigan boşqa ösimlik materiallari va ularning aralaşmalari, tayyor hayvon yemlari.
Bungaça Rossiyada çorva mollarining ommaviy söyilişi fonida Qozoğiston Rossiyadan hayvonlar va göşt mahsulotlarini olib kiriş hamda tranzit qilişga çeklovlar kiritgan.