Uruş nazoratdan çiqib ketdi – Guterriş Yaqin Şarqdagi uruş nazoratdan çiqib ketgan.

Bu haqda keça, 25 mart kuni Birlaşgan Millatlar Taşkiloti boş kotibi Antoniu Guterriş BMTning Nyu-Yorkdagi qarorgohida jurnalistlar oldida bayonot berdi.

U mintaqadagi va butun dunyodagi köplab vakillar bilan yaqin aloqada ekanligini malum qilgan.

“Hozirda muloqot va tinçlikka qaratilgan bir qator taşabbuslar amalga oşirilmoqda. Ular muvaffaqiyat bilan yakunlanişi kerak. Men hozigina Jan Arnoni mojaroni va uning oqibatlarini hal qiliş böyiça BMT say-harakatlariga rahbarlik qiliş uçun özimning şaxsiy vakilim etib tayinladim. Mening Qöşma Ştatlar va Isroilga yöllagan murojaatim şundan iboratki, uruşga çek qöyiş vaqti keldi. Mening Eronga murojaatim – qöşnilaringizga hujum qilişni töxtating”, deydi Guterriş.

Antoniu Guterriş Hormuz böğozida kemalar qatnovi erkinligi tamoyiliga rioya qilişga çaqirgan. Şuningdek, u böğozning uzoq vaqt yopilib qolişi global ekiş mavsumi boşlangan muhim paytda neft, gaz va öğitlar yetkazib berişni falaj qilib qöyişini aytgan. Inqiroz oqibatlarini mintaqadagi va uning taşqarisidagi tinç aholi öz tanasida his qilmoqda.

“Men Livanga yaqinda qilgan taşrifim çoğida uşbu oqibatlarning bazilarini öz közim bilan kördim. U yerda ham uruş töxtaşi kerak. “Hizbulloh” Isroilga zarba berişni töxtatişi lozim. Isroil esa Livanga qarşi harbiy operatsiyalarni va tinç aholi eng köp jabr körayotgan zarbalarni töxtatişi kerak”, deydi boş kotib.

Guterrişning aytişiça, BMT uruş oqibatlarini minimallaştiriş uçun bor imkoniyatlarni işga solmoqda, biroq hozirda gumanitar operatsiyalarni ötkaziş qiyinlaşgan.

“Bizga bu halokatdan çiqiş yöli kerak. Çiqiş yöli – diplomatiyada. Çiqiş yöli – xalqaro huquqqa töliq rioya qilişda. Çiqiş yöli – tinçlikda”, deydi u.