Şov-şuvli sud: Google va Meta ruhiy zarar uçun jarimaga tortildi

Joriy yilning 25 mart kuni Los-Anjeles sudi Alphabet (Google egasi) va Meta texnologik gigantlariga qarşi davo arizasi bilan çiqqan kaliforniyalik 20 yoşli fuqaroning işi böyiça qaror çiqardi. U uşbu kompaniyalarning ijtimoiy tarmoqlariga boğlanib qoliş (qaramlik) uni jiddiy ruhiy inqirozga olib kelganini davo qilgan. Bu haqda “Bloomberg” xabar berdi.

Qayd etilişiça, sudyalar hayati Meta davogarga kamida 2,1 million dollar tovon tölaşi kerakligi haqida qaror çiqargan. Google kompaniyasiga nisbatan esa hukm kamida 900 ming dollar tölaşni nazarda tutadi. Şundan söng sudyalar kompaniyalar öz harakatlari uçun qöşimça jarimalar tölaşi kerakmi yoki yöqligini hal qiladi va ularning miqdorini belgilaydi.

Uşbu işni körib çiqiş joriy yil yanvar oyida boşlangan. Javobgarlar sud qaroridan rozi emasliklarini bildirgan va kelgusi çoralarini muhokama qiliş niyatida ekanliklarini malum qilgan.

Qayd etiş joiz, bungaça bir qator davlatlar ösmirlarga ijtimoiy tarmoqlardan foydalanişni taqiqlaş istagini bildirgan edi. Jumladan, 2026 yilda Malayziya 16 yoşdan kiçik şaxslarga ijtimoiy tarmoqlardan foydalanişni taqiqlaşni rejalaştirmoqda. “Reuters”ning fevral oyidagi xabariga köra, Ispaniya va Gretsiya ham bolalar va ösmirlar uçun şunday taqiq joriy etişni közda tutmoqda. Frantsiyada esa tegişli qonun loyihasi 27 yanvar kuni birinçi öqişda qabul qilindi.

Bunday çeklovlar bazi mamlakatlarda allaqaçon amal qilmoqda. 2024 yil oktyabr oyida Norvegiyada bolalar uçun ijtimoiy tarmoqlardan foydalaniş taqiqini kuçaytirişga qaror qilindi. Mamlakatda yoş çegarasi mavjud bölib, unga köra bolalar ijtimoiy tarmoqlardan faqat 13 yoşdan boşlab foydalanişlari mumkin edi. Hukumat uşbu çegarani 15 yoşga kötarişga qaror qildi. Öşa yili Avstraliyada ham 16 yoşgaça bölgan bolalarga ijtimoiy tarmoqlardan foydalaniş taqiqlandi.