BAAda Eronga aloqador terrorçi taşkilot yöq qilindi

Keça, 20 aprel kuni Abu-Dabida Davlat xavfsizlik xizmati Eronning “Viloyat al-faqih” tizimi bilan aloqador terror taşkilotining azolarini qölga oldi. Bu haqda “Emirates News Agency” xabar berdi.

Qayd etilişiça, ular milliy birlikka putur yetkaziş va davlat barqarorligini izdan çiqarişga qaratilgan yaşirin faoliyat bilan şuğullangan. Mamlakat hududida rejalaştirilgan terrorçilik va sabotaj harakatlarini amalga oşirişni közlagan.

Tergovlar jarayonida taşkilot azolari içki xavfsizlikka tahdid soluvçi ekstremistik va terroristik ğoyalarni qöllab-quvvatlagan. Ular yaşirin uçraşuvlar orqali odamlarni öz safiga jalb qiliş va yollaş işlarini olib borgan. Taşqi kuçlar bilan muvofiqlaştirilgan holda muhim obektlarga kirib borişni maqsad qilgan.

Şuningdek, taşkilot azolari mamlakat içida va taşqarisida yaşirin yiğilişlar ötkazib, şubhali terrorçi guruhlar bilan aloqada bölgani aniqlangan. Ular yoşlarni çalğituvçi ğoyalar bilan tasirlaş, ularni xorijiy kuçlar manfaatlariga xizmat qilişga undaş, davlatning taşqi va içki siyosatiga qarşi tarğibot olib boriş hamda mamlakat obrösini pasaytirişga uringan. Bundan taşqari, noqonuniy yöllar bilan mablağ yiğib, uni şubhali xorijiy taşkilotlarga yuborgan.

Taşkilot azolariga qöyilgan ayblovlar orasida yaşirin taşkilot tuziş va uni boşqariş, xorijiy kuçlarga sadoqat bildiriş, milliy birlik va jamiyat tinçligiga zarar yetkaziş kabi jinoyatlar mavjud.