Özbekiston va Rossiya xavfsizlik xizmati xodimlari Moskvada terrorçilik guruhi azolarini uşladi

Qölga olinganlar terrorçilik taşkilotining aşaddiy tarafdorlari sifatida tarğibot işlarini olib borgan va uning safiga qöşiliş uçun mehnat muhojirlarini yollaş bilan şuğullangan.

Moskva Tergov qömitasi tergovçilari, Rossiya Federal xavfsizlik xizmati va Özbekiston Davlat xavfsizlik xizmati tezkor xodimlari bilan hamkorlikda olib borilgan işlar davomida noqonuniy faoliyat aniqlanib, unga çek qöyildi. Bu haqda Rossiya federatsiyasi tergov qömitasi Matbuot xizmati xabar berdi.

Ayblanuvçilarning yaşaş joylarida xalqaro terrorçilik taşkilotining Rossiyada taqiqlangan tarğibot materiallari, aloqa vositalari, taşkilotning şakl va usullari töğrisidagi malumotlarni öz içiga olgan va ular tomonidan noqonuniy faoliyatda foydalanilgan elektron axborot taşuvçilar topildi va musodara qilindi.
Rossiya Tergov qömitasining Moskva böyiça tergov organlari tomonidan 1986 va 1987 yillarda tuğilgan ikki nafar çet el fuqarosiga nisbatan jinoiy işlar qözğatilgan va tergov qilinmoqda. Ular Rossiya Federatsiyasi JKning 205-5-moddasi 1-qismida (terrorçilik taşkiloti faoliyatini taşkil etiş va bunday taşkilot faoliyatida iştirok etiş) nazarda tutilgan jinoyatlarni sodir etganlikda ayblanmoqda. 

Unga köra, gumonlanuvçilar 2025 yil aprel oyidan Moskva şahri hududida bölib, terrorçilik taşkilotining aşaddiy tarafdorlari sifatida tarğibot işlarini olib borgan va uning safiga qöşiliş uçun mehnat muhojirlarini yollaş bilan şuğullangan. Radikallar Yevropa Ittifoqi mamlakatlari hududida joylaşgan XMT mafkuraçilarini muvofiqlaştirişda noqonuniy faoliyat olib borgan.

Tergov iltimosnomasini körib çiqib, Moskva şahrining Zamoskvoretskiy tuman sudi ayblanuvçilarga nisbatan qamoqqa oliş tarzidagi ehtiyot çorasini tanladi.