2025 yil 12 may kuni soat taxminan 02:00 larda Xorazm viloyatining Boğot tumanida joylaşgan “Yuksaliş” mahallasida sirli va ğayrioddiy hodisa röy berdi. Mahalladagi xonadonlardan birida keça soat ikkilardan keyin kuçli zarba ovozi eşitilgan. Guvohlar aytişiça, bu ovoz portlaş yoki yonğin emas, balki osmondan qandaydir qattiq jism yerga tuşgandek tuyulgan.

Hodisa sodir bölgan uyning tom qismi va kiriş joyi sezilarli darajada şikastlangan. Ammo hayratlanarlisi şundaki — xonadonda gaz balloni butun va heç qanday yonğin yoki portlaş izlari kuzatilmagan. Bu esa hodisaning kelib çiqiş sabablari haqida turli taxminlarga olib kelmoqda.

Xonadon egalari tomonidan bildirilişiça, ular uylariga asteroid yoki şu kabi osmon jismi tuşgan bölişi mumkinligini gumon qilmoqda. Hozirda hodisaning aniq sababi nomuayyan, ammo mahalliy fuqarolar va internet foydalanuvçilari voqeaga katta qiziqiş bildirmoqda.

Hodisa yuzasidan rasmiy idoralardan hozirça heç qanday malumot berilmagan. Tegişli xizmatlar tomonidan örganiş va ekspertiza işlari olib borilayotgan bölişi mumkin. Mavjud holatdan kelib çiqib, bu tabiiy meteorit, suniy apparat parçalari yoki boşqa bir nomalum jism bölişi ehtimoldan xoli emas.
                   Maqola muallifi:K.Karimov