YaNGIARIQDA KUÇLI TASIR QILUVÇI DORI VOSITALARI SAVDOSI FOŞ ETILDI

Yangiariq tumanida kuçli tasir qiluvçi dori vositalarini noqonuniy ravişda sotiş bilan şuğullanib kelgan şaxslar foş etildi.

Boş prokuratura huzuridagi Departamentning Yangiariq tumani bölimi hamda boşqa huquqni muhofaza qiluvçi organ xodimlari hamkorligida ötkazilgan tezkor tadbirda fuqarolar B.B. va M.A. 50 dona “Gabaten” nomli kuçli tasir qiluvçi dori vositasini fuqaro S.R.ga sotayotgan vaqtida aşyoviy dalillar bilan qölga olindi.

Tezkor tadbirlar davomida uşbu şaxslarning noqonuniy faoliyatiga doir boşqa holatlar ham örganilmoqda. Huquqni muhofaza qiluvçi organlar tomonidan bunday jinoyatlarning oldini olişga qaratilgan çora-tadbirlar izçil davom ettirilmoqda.
Mazkur holat yuzasidan Özbekiston Respublikasi Jinoyat kodeksining 251-1-moddasi bilan jinoyat işi qözğatilib, hozirda tergov harakatlari olib borilmoqda.

Mutaxassislar takidlaşiça, kuçli tasir qiluvçi dori vositalarining noqonuniy muomalaga kiritilişi aholi salomatligiga jiddiy xavf tuğdiradi. Şu bois, fuqarolardan şubhali holatlar haqida tegişli idoralarga zudlik bilan xabar beriş söralmoqda.