Şovot tuman şifoxonasi kanalizatsiyasi: atrof-muhitga nisbatan beparvolik qaçongaça?
8-05-2026, 10:00
166 марта
Şovot tuman şifoxonasi kanalizatsiyasi: atrof-muhitga nisbatan beparvolik qaçongaça?Şovot tuman şifoxonasi atrofidagi kanalizatsiya tizimidan çiqib ketayotgan axlat va oqova suvlar bugun nafaqat közga körinib turgan muammo, balki jamoat salomatligi va tabiatga oçiq tahdidga aylangan. Oqova suvlar daraxtlar ildiziga singib, ularning qurib borişiga sabab bölmoqda, havoga tarqalayotgan ötkir hid esa aholi turmuş sifatini keskin pasaytiryapti.
Eng açinarlisi, şifoxona kabi sanitariya va tozalikka namuna bölişi kerak bölgan muassasa atrofida ana şunday manzaraning mavjudligi. Kanalizatsiyadan çiqqan çiqindilar nazoratsiz holda taşqi muhitga tarqalmoqda, bu esa tuproqni ifloslantirib, yaşil hududlarning yöqolişiga olib kelyapti. Daraxtlar qurisa — havo tozalanişi kamayadi, hid va mikroblar esa yanada keng tarqaladi.
Bu holatga masul idoralarning sukut saqlaşi ham jiddiy savollarni tuğdiradi. Nima uçun kanalizatsiya tizimi öz vaqtida tamirlanmayapti? Nima uçun sanitariya talablariga rioya etilmayapti? Aholi salomatligiga daxldor masalaga nega yetarli etibor qaratilmayapti?
Muammoni «vaqtinçalik qiyinçilik» deb baholaş — özini oqlamaydi. Kanalizatsiya tizimini töliq qayta körib çiqiş, oqova suvlarni filtratsiya qiliş, zararlangan yaşil hududlarni tiklaş va muntazam ekologik nazorat örnatiş — keçiktirib bölmas vazifadir. Bundan taşqari, jamoatçilikka oçiq axborot berilişi, amalga oşirilayotgan işlar yuzasidan hisobot taqdim etilişi şart.
Agar bugun çora körilmasa, ertaga oqibatlar yanada oğir böladi. Şifoxona — davolaş maskani. U atrof-muhitni zaharlaydigan manbaga aylanmasligi kerak.
Masullardan zudlik bilan aniq va amaliy harakatlar kutamiz.