Эртага Хоразмнинг қатор туманлари ва Урганч шаҳрида электр таъминоти вақтинчалик узилади (Рўйхат)

Хоразм вилоятининг бир нечта туманлари ҳамда Урганч шаҳрининг айрим маҳаллаларида режали профилактика ишлари сабабли электр энергияси етказиб бериш вақтинчалик тўхтатилади.

«Ҳудудий электр тармоқлари» АЖ вилоят филиали хабарига кўра, ушбу узилишлар Ўзбекистон Республикаси электр станциялари ва тармоқларини техникавий эксплуатация қилиш қоидаларига асосан амалга оширилмоқда. Тармоқлардаги жорий таъмирлаш ва созлаш ишлари сабабли жорий йилнинг 12 июнь куни соат 10:00 дан 18:00 гача қуйидаги ҳудудларда чироқ вақтинчалик ўчирилиши мумкин:

Электр таъминотида узилишлар кузатиладиган ҳудудлар рўйхати:

 Урганч тумани: Шерматлар, Каттабоғ, Бободеҳқон, Оқолтин, Қипчоқ, Боғдорчи, Кўҳнаовул маҳаллалари;
 Гурлан тумани: Бирлашган, Шанғи, Пахтачи, Пахтакор, Нурлийўл, Нукус, Жалоил, Совунчи маҳаллалари;
 Шовот тумани: Тараққиёт, Оқкўл, Остона, Қумёп, Бўйрачи, Роят, Мевазор, Наврўз маҳаллалари;
 Янгиариқ тумани: Гулланбоғ ва Шихбоғи маҳаллалари;
 Боғот тумани: Ўзгариш, Ҳунарманд, Боғистон, Деҳқонобод, Юксалиш, Усталар, Намуна, Гулзор, Маънавият, Соҳибкор, Қумбодоқ, Кўҳнабирлашув, Пахтаобод, Қорабоғ, Ёшўсмир, Қуланқорабоғ, Меҳнатгули, Оқтепа, Қалажиққалъа, Наврўз, Хуррият, Беруний маҳаллалари ҳамда Узумзор ва Янгиқадам шаҳарчалари;
 Ҳазорасп тумани: Амударё, Алоқали кўл, Янгибозор, Боғдор, Саноат, Бўстон, Тўртта, Оталиқ, Узукқақош, Қовунчи, Мустақиллик, Наврўз, Мухомон, Шехёпи, Мутпири маҳаллалари;
 Тупроққалъа тумани: Охунбобоев, Пастом, Саидлар, Саёпир, Шехлар, Янгизамин, Обод, Яккачиқир, Нуробод, Нукус, Ёшлик, Навбаҳор, Муҳаббат маҳаллалари;
 Урганч шаҳри: Жингавуз ва Байналминалчи маҳаллалари.
Истеъмолчилардан келтириладиган вақтинчалик ноқулайликлар учун узр сўралади ва маиший электр жиҳозларини тармоқдан хавфсиз ажратиб қўйиш тавсия этилади. Таъмирлаш ишлари белгиланган вақтдан эртароқ якунланса, тармоққа кучланиш муддатидан олдин берилиши таъкидлаб ўтилган.