Gurlan kadastr boşliği 500 dollar bilan qölga tuşdi: pul ustida “PORA” deb yozilgan edi
3-10-2026, 13:12
708 марта
Gurlan kadastr boşliği 500 dollar bilan qölga tuşdi: pul ustida “PORA” deb yozilgan ediÖzini oqlamoqçi bölib “qarz olgandim” dedi, ammo yaşirin audioyozuv hammasini foş qildi.
Davlat kadastrlar palatasi Gurlan tumani filiali boşliği Zohid Ollaberganov 2025 yilning 10 iyunida huquqni muhofaza qiluvçi idora tomonidan aşyoviy dalil bilan qölga olindi. U fuqarodan 500 AQŞ dollarini olib, çöntagiga solgan paytda uşlandi. Eng qiziği, pulning ustiga közga taşlanmaydigan qilib “pora” sözi yozib qöyilgan edi.
Hamma hujjat tayyor edi, faqat boşliq “şoşilmadi”
Voqea fuqaro M. Qöçqorovaning oddiy murojaatidan boşlangan. Ayol öziga tegişli noturar binoni turar joy toifasiga ötkazmoqçi bölgan. Tuman arxitektura bölimi ijobiy xulosa bergan, kadastr idorasi ham hujjatlarni örganib, rad etişga asos topolmagan. Masala faqat hujjatlarni viloyat boşqarmasiga yuborişga qolgan edi.
Ayol suhbatni yaşirinça yozib olgan. Sudda eşittirilgan audioyozuvda qarz haqida bir oğiz ham gap yöq. Aksinça, boşliq işni bitiriş uçun Urgançdagi boşqarmada “kimlarnidir köndiriş” kerakligini aytadi. Narxni ham özi belgilaydi: “köki”dan 500. Ustiga-ustak, boşqa tumanlarda bunday xizmatning bahosi allaqaçon mingdan oşib ketganini pisanda qilib qöyadi.
Sud hukmi: 5 yil
Ollaberganov tergovda ham, sudda ham aybini tan olmadi va pulni tanişi qarz berganini takrorladi. Biroq sud audioyozuv, guvohlar körsatmasi va boşqa dalillarga tayanib, uni Jinoyat kodeksining 210-moddasi 2-qismi “v” bandi (pora oliş) böyiça aybdor deb topdi.
Sobiq boşliq 5 yilga ozodlikdan mahrum etildi va 2 yil davomida davlat iştirokidagi taşkilotlarda rahbarlik hamda moddiy javobgarlik bilan boğliq lavozimlarda işlaş huquqidan mahrum qilindi. Viloyat sudining apellyatsiya hayati ham hukmni özgarişsiz qoldirdi.
Bitta 500 dollarlik “xizmat haqi” mansabni ham, erkinlikni ham olib ketdi.
Manba: Urganç şahar sudi raisi Mahmudjon Mahmudov va jurnalist Abdulla Sobirov maqolasi asosida tayyorlandi.