Pulli yölda bolalar: Urganç — Xiva trassasining yonlari qaçon töliq yopiladi?
4-10-2026, 20:00
361 марта
Pulli yölda bolalar: Urganç — Xiva trassasining yonlari qaçon töliq yopiladi?Özbekistondagi ilk pulli avtomagistral — Urganç — Xiva yöli işga tuşganiga bir oydan oşdi. Ammo sönggi kunlarda ijtimoiy tarmoqlarda tarqalgan videolar jamoatçilikni taşvişga solmoqda: ularda yoş bolalar, jumladan, maktab öquvçilari tezyurar trassa qatnov qismiga çiqib yurgani aks etgan. Tabiiyki, savol tuğiladi: yölning ikki çeti qaçon töliq tösiladi va bu masuliyat kimning zimmasida?
Tezlik yuqori, xavf ham katta
35 kilometrlik tört tasmali trassa Urganç va Xivani boğlab, oçildi. Yölda eng yuqori tezlik soatiga 150 kilometr, eng pasti esa 40 kilometr qilib belgilangan. Bunday tezlikda harakatlanayotgan avtomobil haydovçisi yölga tösatdan çiqqan bolani körib töxtab ulgurişi deyarli imkonsiz.
Qoidalar ham buni aniq belgilab qöygan: pulli yölda piyodalar, mopedlar va ot-aravalarning harakatlanişi taqiqlangan, qayrilib oliş va töxtaşga ham ruxsat yöq. Biroq taqiq qoğozda qolsa-yu, yöl çetida jismoniy tösiq bölmasa, bolani trassaga çiqişdan heç narsa töxtatib qololmaydi.
Loyihada ötiş joylari bor, ammo tösiq-çi?
Loyiha hujjatlariga köra, 17 ta köprik, 8 ta yöl ötkazgiç, 1 ta tonnel va 7 ta maxsus ötiş joyi quriş nazarda tutilgan. Demak, aholi yölning bir tomonidan ikkinçisiga xavfsiz ötişi uçun inşootlar mavjud. Lekin trassa böylab uzluksiz ixota tösiği yoki panjara qaçon töliq örnatilişi haqida rasmiy malumot hozirça elon qilinmagan.
Şu bilan birga, yöldagi ayrim işlar hali yakunlanmagani ham malum. Vaqtinçalik nizomga köra, tört va undan ortiq öqli yuk maşinalariga qoplamaning yuqori qatlami töliq yotqizilgandan keyingina ruxsat beriladi. Bu trassada quriliş işlari davom etayotganini körsatadi.
Loyiha arzon emas
Dastlab 120 mln dollarga baholangan loyiha qiymati 150 mln dollargaça, yani 25 foizga oşgan. Şunça mablağ sarflangan, haydovçilardan esa har qatnov uçun pul undirilayotgan yölda eng oddiy xavfsizlik çorasi — yöl çetini yopiş masalasi oçiq qolayotgani ajablanarli.
Savollar javob kutmoqda
Tahririyat Avtomobil yöllari qömitasi va uning Xorazm viloyati boşqarmasidan quyidagilarga javob kutadi:
Trassa çetlari qaçon töliq tösiladi va buning aniq muddati bormi? Maktablar va aholi punktlari yaqinidagi uçastkalarda vaqtinçalik çoralar köriladimi? Bolalarni bu yölga çiqişdan ogohlantiriş uçun maktablar va mahallalar bilan tuşuntiriş işlari olib borilyaptimi?
Ota-onalarga esa bir iltimos: farzandlaringizga pulli trassa oddiy köça emasligini, u yerda maşinalar soatiga 150 kilometrgaça tezlikda yurişini tuşuntiring. Fojia yuz bergandan keyin emas, hozirdan çora köriş kerak.