“Хоразм сув таъминоти” ходими 6 млн сўм билан қўлга олинди

Хоразмда “Хоразм сув таъминоти” АЖ юридик инспектори фирибгарликда гумонланиб, ашёвий далиллар билан ушланди.

Бош прокуратура ҳузуридаги Департаментнинг Хоразм вилояти бошқармаси ҳамда бошқа ҳуқуқни муҳофаза қилувчи орган ходимлари ҳамкорлигида тезкор тадбир ўтказилди.

Маълум қилинишича, илгари судланган юридик инспектор З.А. фуқаро О.А.нинг ишончига кирган. У гўёки юқори лавозимларда ишловчи танишлари орқали фуқаронинг савдо шохобчасини ичимлик суви тармоғига улатиб, техник шарт ҳужжатларини расмийлаштириб беришини айтган.

Бу “хизмат” эвазига 6 миллион сўм олаётган пайтда у ашёвий далиллар билан қўлга олинган.

Ҳолат юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.

Эслатиб ўтамиз, айбсизлик презумпциясига кўра, шахснинг айби суд ҳукми билан исботлангунга қадар у айбдор ҳисобланмайди.

Манба: Бош прокуратура ҳузуридаги Департамент Хоразм вилояти бошқармаси

#Хоразм #ХоразмСувТаъминоти #фирибгарлик #прокуратура #ХоразмБугун