Prezident farmoni: Xorazm hokim örinbosari ham davlat mukofotiga sazovor böldi

Özbekiston Respublikasi Prezidenti Şavkat Mirziyoyev mustaqilligimizning 34 yilligi munosabati bilan bir guruh hokim va hokim örinbosarlarini davlat mukofotlari bilan taqdirladi.
Farmonga muvofiq, Xorazm viloyati hokimining oila va xotin-qizlar masalalari böyiça örinbosari, viloyat xotin-qizlar boşqarmasi boşliği Nigora Qutlimurodova “Şuhrat” medali bilan mukofotlandi.

Nigora Qutlimurodova hozirgi lavozimida viloyatda xotin-qizlar va oilalarni qöllab-quvvatlaş, ijtimoiy-iqtisodiy hayotda ularning örni va nufuzini oşirişga qaratilgan islohotlar va taşabbuslarni amalga oşirib kelmoqda. Uning mehnati yuksak baholanib, mamlakatning eng nufuzli mukofotlaridan biriga munosib körildi.

Şuningdek, farmonga asosan qator hokim va hokim örinbosarlari ham mukofotlangan. Jumladan, Buxoro viloyati Olot tumani hokimi Nargiza Nematova “El-yurt hurmati” ordeni, poytaxt Çilonzor tumani hokimi Saidqahhor Xolxöjayev esa “Sodiq xizmatlari uçun” medali bilan taqdirlandi.

“Şuhrat” medali bilan mukofotlanganlar orasida Surxondaryo viloyati Jarqörğon tumani hokimi Elmurod Avazov, Qaşqadaryo viloyati hokimining birinçi örinbosari Alişer Qodirov, Toşkent viloyati Angren şahar hokimi Alişer Rayimov, Farğona viloyati Söx tumani hokimi Saidbahrom Saidmusayev va boşqalar ham bor.

Malumot uçun, bu yilgi davlat mukofotlari arafasida köplab rahbarlar va fidoyi insonlar mamlakat taraqqiyotiga qöşgan hissasi uçun rağbatlantirildi.