Boğot tumanida “Sam moy”larda öğriliklar davom etmoqda: öğri velosipedda bemalol harakatlanmoqda
13-12-2025, 15:47
582 марта
Boğot tumanida “Sam moy”larda öğriliklar davom etmoqda: öğri velosipedda bemalol harakatlanmoqdaXorazm viloyatida joylaşgan “Sam moy” avtomatlarida sodir etilayotgan öğrilik holatlari yana bir tumanda qayd etildi. Bu safar öğrilik Boğot tumanida kuzatildi. Etiborli jihati şundaki, öğri heç qanday şubha uyğotmasdan, velosipedda bemalol harakatlanib, “Sam moy” avtomatlarini talamoqda.
Mavjud malumotlarga köra, uşbu jinoiy harakatlar avvalroq Qöşköpir tumanida boşlangan. Öşa paytda ham “Sam moy” avtomatlarining pul joylari maxsus vositalar yordamida buzib oçilgani haqida xabarlar tarqalgan edi. Endi esa aynan şu usul Boğot tumanida ham qöllanilgani haqida videolar va guvohlar xabar bermoqda.
Ayni paytga qadar mazkur holat yuzasidan huquqni muhofaza qiluvçi idoralar tomonidan rasmiy malumot berilgani yöq. Şuningdek, jinoyat işi qözğatilgan-qözğatilmagani, gumonlanuvçi şaxsni qidiriş böyiça qanday çoralar körilayotgani ham nomalumligiça qolmoqda.
Aholi va tadbirkorlar esa uşbu holatlardan jiddiy xavotirda. Çunki öğrining oçiq-oydin, hatto kunduzgi paytlarda ham velosipedda harakatlanib, avtomatlarni talab ketişi xavfsizlik masalalariga oid köplab savollarni örtaga çiqarmoqda.
Mazkur holat böyiça rasmiy idoralar tomonidan tez orada aniq malumot va huquqiy baho berilişi kutilmoqda. Voqealar rivojini Xorazm Bugun kuzatib boradi.