Xorazmda 14 yanvar — Vatan himoyaçilari kuni tantanali nişonlandi

14 yanvar kuni Xorazm viloyati, xususan Urganç şahrida Özbekiston Respublikasi Qurolli Kuçlari taşkil etilganining 34 yilligi hamda Vatan himoyaçilari kuni munosabati bilan tantanali bayram tadbirlari bölib ötdi.

Bayram tadbirlari doirasida dastlab harbiy-mamuriy sektor, huquqni muhofaza qiliş idoralari, davlat taşkilotlari hamda keng jamoatçilik vakillari Urganç şahrida joylaşgan Jaloliddin Manguberdi haykali poyiga gulçambarlar qöydilar. Tadbir iştirokçilari buyuk sardor, vatanparvarlik timsoli bölgan Jaloliddin Manguberdi hamda Vatan ozodligi yölida jon fido qilgan barça yurtdoşlar xotirasiga çuqur ehtirom körsatdilar.

Şundan söng bayram tadbiri Xorazm viloyati musiqali drama teatrida davom etdi. Tantanali marosimda Xorazm viloyati hokimi Jörabek Raximov iştirok etib, Vatan himoyaçilarini qutluğ sana bilan samimiy tabrikladi. Öz nutqida u mamlakatimiz tinçligi, xalq farovonligi yölida xizmat qilayotgan harbiy xizmatçilarning masuliyatli va şarafli mehnatini alohida takidladi.

Tadbir davomida viloyat hududida joylaşgan harbiy qismlar hamda xizmat vazifalarini bajarişda yuksak kasbiy mahorat, sadoqat va fidoyilik körsatib kelayotgan bir guruh harbiy xizmatçilar Xorazm viloyati hokimining faxriy yorliqlari va esdalik sovğalari bilan taqdirlandilar.

Bayram dasturi sanat ustalari tomonidan ijro etilgan harbiy-vatanparvarlik ruhidagi qöşiqlar, musiqiy çiqişlar hamda yoş avlodni Vatanga sadoqat, milliy ğurur va jasorat ruhida tarbiyalaşga qaratilgan sahna körinişlari bilan yanada mazmunli böldi. Uşbu çiqişlar bayram iştirokçilarida katta taassurot qoldirib, tantanali ruhni yanada kuçaytirdi.

Tadbir yakunlanar ekan, Vatan himoyaçilariga bölgan yuksak hurmat va etibor, yurtimiz tinçligi va xavfsizligini taminlaş yölida xizmat qilayotgan harbiy xizmatçilarga bildirilgan samimiy tilaklar yana bir bor öz ifodasini topdi.