Ayollar örtasidagi Uimbldon finalçilari aniq böldi
2026 yilgi Uimbldon çempionatida ayollar örtasidagi yakkalik bahslari finalçilari malum böldi. Unda Çexiyaning ikki tennisçisi bahs olib boradi.
Keça, 9 iyul kuni bölib ötgan yarim final bahslarida ikki nafar çexiyalik tennisçi ğalaba qozonib, boş sovrin uçun kuraşiş huquqini qölga kiritdi.
Birinçi yarim finalda Karolina Muxova amerikalik Koko Gauffni 6/2, 1/6, 7/6 hisobida mağlub etdi. Murosasiz keçgan uçraşuv 2 soat 35 daqiqa davom etdi.
Ikkinçi yarim finalda esa Linda Noskova ukrainalik Marta Kostyukni 6/4, 6/4 hisobida yengib, faoliyatida ilk bor “Katta dubulğa” turnirining finaliga çiqdi. Uşbu bahs 1 soat 19 daqiqa davom etdi.
Karolina Muxova bundan avval 2023 yilgi “Rolan Garros” finaligaça yetib borgan, ammo hal qiluvçi bahsda mağlub bölgan edi.
Şu tariqa, tarixda ilk bor Uimbldon ayollar örtasidagi yakkalik bahslari finalida ikki nafar çexiyalik tennisçi özaro kuç sinaşadi.
Etiborlisi, 2023 va 2024 yillarda ham Çexiya vakilalari Marketa Vondrouşova va Barbora Kreyçikova Uimbldon boş sovrinini qölga kiritgan edi. Amaldagi çempion esa polşalik Iga Şvyontek hisoblanadi.