“Barselona” Lautaro uçun taklif tayyorlamoqda
Ispaniyaning “Barselona” jamoasi Argentina terma jamoasi va “Inter” klubi hujumçisi Lautaro Martinesning transferi uçun dastlabki taflini tayyorlamoqda. Bu haqda “El Çiringuito” xabar berdi.
Manbaning xabar berişiça, kataloniyaliklar dastlabki taklifni tayyorlamoqda. Uning qiymati 100 million yevrodan oşmaydi. 28 yoşli argentinalik hujumçi ham kataloniyaliklar safiga ötişga tayyor. Biroq “Barselona” hali “Inter” bilan transfer böyiça kelişuvga erişişi kerak.
Avvalroq, kataloniyaliklar Julian Alvares böyiça “Atletiko Madrid” bilan kelişa olmagan edi. Lautaro bilan boğliq vaziyatda ham xuddi şunday muammo mavjud: “Barselona” milanliklar bilan kelişuvga erişişi lozim. Ayni paytda “Inter” argentinalik hujumçini sotiş niyatida emas.
Malumot uçun, Lautaro Martines ötgan mavsumda “Inter” safida 41 ta uçraşuvda maydonga tuşib, 22 ta gol urdi va 6 ta golli uzatmani amalga oşirdi. Argentinalik futbolçi 2018 yildan buyon “Inter” şarafini himoya qilib kelmoqda. U şu vaqt davomida klub safida 376 ta öyinda 175 ta gol urgan va 56 ta golli uzatma bergan.