Özbekiston Osiyo öyinlarida 32 yildan söng öq otişdan oltin medal oldi
Bugun, 24 sentyabr kuni Yaponiyaning Ayçi–Nagoya şaharlarida ötayotgan Osiyo öyinlarining 5-kuni doirasidagi bahslar davom etmoqda. Kun doirasidagi öq otiş sport turlari bahslarida Özbekiston delegatsiyasi 32 yildan söng oltin medalni qölga kiritdi.
Pnevmatik töpponça bilan 10 metr masofaga otiş dasturida iştirok etgan Vladimir Sveçnikov Osiyo öyinlarida oltin medalni qölga kiritdi.
Uşbu ğalaba Özbekistonning öq otiş sport turlarida Osiyo öyinlarida 32 yillik tanaffusdan keyin qölga kiritgan ilk oltin medali böldi. Şuningdek, Sveçnikov finalda 244,3 oçko jamğarib, Osiyo öyinlari rekordini ham yangiladi.
Şuningdek, kun doirasida bölib ötgan akademik eşkak eşiş bahslarining W2x dasturida iştirok etgan Aydana Smetullayeva va Anna Aksyonova finişga ikkinçi bölib yetib kelib, kumuş medalni qölga kiritdi. Bundan taşqari, Şahboz Xolmurzayev, Davrjon Davronov, Mehrojbek Mamatqulov, Pavel Sorin törtligi M4x yönalişida 5:48.96 soniya natija qayd etdi va bronza medalga ega çiqdi.
Fazliddin Karimov, Dilşodjon Xudoyberdiyev, Maksim Golubev, Alişer Turdiyev kvarteti esa erkaklar örtasidagi akademik eşkak eşiş törtlik dasturida 5:51.68 soniya natija bilan ikkinçi böldi va kumuş medalga ega çiqdi.
Hozirga kelib Özbekiston delegatsiyasining Osiyo öyinlaridagi jami medallar soni 23 taga (4 ta oltin, 11 ta kumuş va 8 ta bronza) yetdi. Şu tariqa, Özbekiston umumjamoa hisobida 7-öringa kötarildi.
Eslatib ötamiz, avvalroq Osiyo öyinlarida oltin medal olgan özbekistonlik sportçilarga 25 000 AQŞ dollari miqdorda pul mukofoti berilişi haqida xabar berilgandi.