Şarifa Davronova ikki karra Osiyo öyinlari çempioni böldi
Bugun, 24 sentyabr kuni Yaponiyaning Ayçi-Nagoya şaharlarida ötayotgan Osiyo öyinlarining 5-kuni doirasidagi bahslar davom etmoqda. Kun doirasidagi yengil atletika bahslarida Özbekiston delegatsiyasi 6-oltin medalni qölga kiritdi.
Yengil atletika böyiça Özbekiston terma jamoasi azosi Şarifa Davronova ikkinçi bor Osiyo öyinlari çempioniga aylandi.
Uç xatlab sakraş dasturida iştirok etgan Davronova 14,35 metr natija qayd etib, oltin medalni qölga kiritdi.
Malumot uçun, Şarifa Davronova Xançjou-2022 yozgi Osiyo öyinlarida ham uç xatlab sakraş dasturida oltin medalni qölga kiritgan edi. Öşanda 17 yoşda bölgan Davronova 14,09 metr natija qayd etgan va oltin medalni qölga kiritgan.
Endi Şarifa Davronova Ayti–Nagoya-2026 Osiyo öyinlarida ğolib çiqib, ikki karra Osiyo öyinlari çempioni böldi.
Hozirga kelib Özbekiston delegatsiyasining Osiyo öyinlaridagi jami medallar soni 26 taga (6 ta oltin, 12 ta kumuş va 8 ta bronza) yetdi. Şu tariqa, Özbekiston umumjamoa hisobida Eron delegatsiyasini ortda qoldirib, 5-öringa kötarildi.
Eslatib ötamiz, avvalroq Osiyo öyinlarida oltin medal olgan özbekistonlik sportçilarga 25 000 AQŞ dollari miqdorda pul mukofoti berilişi haqida xabar berilgandi.