Chernogoriyaning Budva shahrida yoshlar o'rtasidagi boks bo'yicha jahon chempionati o'z yakuniga yetdi. Musobaqada O'zbekiston terma jamoasi 4 ta oltin, 2 ta kumush va 2 ta bronza medali – jami 8 ta medalni qo'lga kiritdi.

Erkaklar terma jamoasi 3 ta oltin, 1 ta kumush va 1 ta bronza medali bilan umumjamoa hisobida birinchi o'rinni egalladi. Shu tariqa, o'zbekistonlik yigitlar mamlakat boks maktabining xalqaro maydondagi yetakchilik ananalarini davom ettirdi.

Qizlar terma jamoasi ham munosib natija qayd etib, 1 ta oltin, 1 ta kumush va 1 ta bronza medaliga sazovor bo'ldi. Shu tariqa, O'zbekiston yoshlar terma jamoasi jahon chempionatini 8 ta medal bilan yakunladi.

Malumot uchun, ushbu jahon chempionatida O'zbekiston erkaklar terma jamoasi 10 nafar, ayollar terma jamoasi 8 nafar jami 18 nafar ishtirokchi bilan qatnashgandi.