Kanada terma jamoasi Özbekiston bilan örtoqlik uçraşuvi ötkaziş uçun katta miqdorda pul taklif qilgan — manba.

Özbekiston terma jamoasi Jahon çempionatiga tayyorgarlik jarayonida bir qator jamoalar bilan örtoqlik uçraşuvlari ötkazişni rejalaştirmoqda. “Daryo” manbalariga köra, Kanada futbol assotsiatsiyasi Özbekiston bilan sparring öyini taşkil qiliş taklifi bilan çiqqan. Şimoliy Amerika jamoasi bu bahsni ötkaziş uçun Özbekiston futbol assotsiatsiyasiga 50 ming dollar taklif qilgani aytilmoqda.
Unga köra, öyin borasida tomonlar kelişuvga erişgan. Avvalroq Özbekiston futbol assotsiatsiyasi terma jamoalar bölimining sobiq rahbari Şerzod Igamberdiyev 2026 yil 1 iyunda Jahon çempionati mezbonlaridan biri bilan örtoqlik öyini ötkaziş böyiça kelişuv bölganini malum qilgandi. “Daryo” manbasining qayd etişiça, mazkur raqib — Kanada. 
Şu bilan birga, Özbekiston mart oyida Kriştianu Ronaldu boşçiligidagi Portugaliyaga qarşi örtoqlik öyini ötkazişi mumkinligi haqida ham xabarlar tarqalgandi. Hatto Özbekiston futbol assotsiatsiyasi vitse-prezidenti Ravşan Ermatovning sobiq FIFA hakami, hozirda Portugaliya futbol federatsiyasi prezidenti bölib işlayotgan Pedro Proensa bilan muloqot qilgani aytilgandi.

Ammo 5 dekabr, juma kuni bölib ötgan qurada Özbekiston va Portugaliya bir guruhdan joy oldi. Bu esa Jahon çempionati oldidan ikki jamoa örtasida örtoqlik uçraşuvi bölmasligini anglatadi.