Хоразмда “Эътироф – 2025”: Йилнинг энг яхшилари тақдирланди » "Xorazm Bugun"

“Эътироф – 2025”: Йилнинг энг яхшилари тақдирланди

Хоразм вилоятида йил якунига бағишланган “Эътироф – 2025” номли тантанали сарҳисоб тадбири бўлиб ўтди. Ушбу тадбир спорт соҳасида 2025 йил давомида амалга оширилган ишлар, эришилган муҳим натижалар ва қўлга киритилган ютуқларни таҳлил қилишга бағишланди.

Тадбир давомида республика ва халқаро мусобақаларда юксак натижаларни қўлга киритган спортчилар ҳамда уларни тайёрлаган мураббийлар муносиб эътироф этилди. Ғолиб ва совриндорларга эсдалик совғалари топширилди.

Тақдирлаш маросимида Хоразм вилояти спорт бошқармаси бошлиғи Нодира Жуманязова сўзга чиқиб, соҳада олиб борилаётган изчил ислоҳотлар, спорт инфратузилмасини ривожлантириш ҳамда ёшларни спортга жалб этиш борасида амалга оширилаётган ишларга юқори баҳо берди.

Шунингдек, тадбирда йил давомида самарали фаолият олиб борган спортчилар, мураббийлар, спорт федерациялари ва спорт муассасалари ходимлари, шунингдек, спорт фаоллари ҳам муносиб тақдирланди.

Бундан ташқари, спортчиларимиз ютуқларини оммавий ахборот воситалари орқали кенг ёритиб келаётган матбуот вакилларига ташаккурномалар топширилди.

“Эътироф – 2025” ғолиблари:

“Йилнинг энг яхши аёл спортчиси” — Шоназарова Шохиста Қаҳрамон қизи
“Йилнинг энг яхши эркак спортчиси” — Давлетов Мунисбек Анвар ўғли
“Йилнинг энг яхши матонатли аёл спортчиси” — Бердиева Султонпошша Музаффар қизи
“Йилнинг энг яхши матонатли эркак спортчиси” — Жасурбек Йўлдошов Содиқбой ўғли

Мураббийлар номинацияси бўйича:

“Йилнинг энг яхши эркак мураббийи” — Ҳакимов Дониёр Бахтиёрович
“Йилнинг энг яхши аёл мураббийи” — Машарипова Шоира Улуғбековна
“Йилнинг энг яхши матонатли эркак мураббийи” — Саттаров Мақсуд Бекназарович
“Йилнинг энг яхши матонатли аёл мураббийи” — Ибрагимова Алфия Гиласдиновна

Ташкилот ва муассасалар бўйича:

“Йилнинг энг яхши федерацияси”
(якка кураш спорт турлари бўйича) — Хоразм вилояти Дзюдо федерацияси
“Йилнинг энг яхши федерацияси”
(жамоавий спорт турлари бўйича) — Хоразм вилояти Гандбол федерацияси
“Йилнинг энг яхши спорт мактаби” — Шовот тумани 2-сон спорт мактаби
“Йилнинг энг яхши ихтисослаштирилган спорт мактаби” — Сув спорт турларига ихтисослаштирилган спорт мактаби
“Йилнинг энг яхши мактаб-интернати” — Хива шаҳри Олимпия миллий спорт турларига ихтисослаштирилган давлат мактаб-интернати

Мазкур тадбир Хоразм вилоятида спорт соҳасида эришилаётган ютуқларни янада мустаҳкамлаш, ёш авлодни спортга кенг жалб этиш ҳамда юқори натижаларга интилишга ундашга хизмат қилди.

Манба: Хоразм вилояти спорт бошқармаси ахборот хизмати