Putin Mirziyoyevga bosimlarga qaramay Moskvaga kelgani uçun rahmat aytdi

Bugun, 9 may kuni Rossiya Prezidenti Vladimir Putin Kremlda Özbekiston yetakçisi Şavkat Mirziyoyev bilan uçraşuv ötkazdi. Bu haqda Kreml matbuot xizmati xabar berdi.

Özbekiston Prezidenti Rossiyaga Ikkinçi jahon uruşidagi Ğalabaning 81 yilligi munosabati bilan ötkazilayotgan tantanali tadbirlarda iştirok etiş uçun borgan edi.

Putin Mirziyoyevni ğalabani nişonlaş arafasida körib turganidan mamnunligini bildirib, bu ğalaba umumiy – sovet xalqining “Uluğ Vatan uruşi”dagi ğalabasi ekanini takidlagan.

Rossiya Prezidentining aytişiça, sönggi yillarda ikki davlat örtasidagi munosabatlar, jumladan Mirziyoyevning şaxsiy say-harakatlari tufayli, juda yaxşi rivojlanmoqda. U savdo hajmi ortib borayotgani, yirik iqtisodiy loyihalar amalga oşirilayotgani va Rossiya Özbekiston iqtisodiyotidagi asosiy investorlardan biri bölib qolayotganini qayd etgan.
Putin, şuningdek, Özbekiston Mirziyoyev rahbarligida yuqori suratlarda rivojlanayotganini aytib, uni bu bilan tabriklagan.

Rossiya rahbari hozirgi şaroitda bunday uçraşuvlar, hatto bayram munosabati bilan bölsa ham, ikki davlat örtasidagi alohida munosabatlarning belgisi ekanini bildirgan. U bu munosabatlarni “oddiy döstlik emas, balki birodarlik hamkorligi” deb atagan.

Putin Mirziyoyevning taşqi bosim va tahdidlarga qaramasdan Moskvaga kelgani hamda Qizil maydondagi harbiy paradda iştirok etişini “alohida belgi” deb baholab, bu uçun minnatdorlik bildirgan.

Mirziyoyev esa öz navbatida Putinni va Rossiyaning köp millatli xalqini Ğalabaning 81 yilligi bilan tabriklagan.

Özbekiston Prezidentining takidlaşiça, bu ğalaba umumiy tarix va umumiy ğalaba bölib, uni heç qaçon unutmaslik kerak. U yoş avlod tarbiyasida ğalabaning ahamiyati katta ekanini aytdi.

Mirziyoyev Özbekistonda ham bu sanaga bağişlangan tadbirlar keng nişonlanayotgani, u gospitallarga borib, veteranlar bilan suhbatlaşganini aytgan. Ularning köpçiligi Putinga salom yöllaşni söraganini ham qöşimça qilgan.

Şuningdek, Mirziyoyev ikki davlat örtasidagi munosabatlar jadal rivojlanayotganini takidlab, yaqinda ötgan Innoprom sanoat körgazmasi yuqori darajada taşkil etilganini eslagan. Uning sözlariga köra, Rossiyadan birinçi vitse-premer Denis Manturov, olti nafar gubernator va 500 ga yaqin kompaniya vakillari Özbekistonga taşrif buyurgan.
Mirziyoyevning aytişiça, 2026 yilning birinçi çoragida ikki mamlakat örtasidagi tovar ayirboşlaş hajmi ötgan yilga nisbatan 33 foizga oşgan.
Özbekiston rahbari Moskvaga kelişidan maqsad nabiralari, farzandlari va yoş avlodga ularning bobolari qahramon bölganini körsatiş ekanini aytgan. Uning fikriça, har bir xalq öz tarixini unutmasligi kerak.

Putin esa Toşkentda taşkil etilgan Ğalaba muzeyi va parkini yuqori baholab, u nafaqat öşa davr ruhini, balki Özbekiston rahbariyatining tarixga munosabatini ham aks ettirişini takidlagan.
Mirziyoyevning sözlariga köra, Victory Park bugun Özbekistondagi eng köp taşrif buyuriladigan maskanlardan biriga aylangan. U yerga yoşlar, talabalar, öquvçilar va turli hududlardan kelgan odamlar muntazam boradi.

Prezidentning takidlaşiça, bu park xalqning istagi bilan barpo etilgan va har bir millat uçun öz ajdodlarini hurmat qiliş hamda ularga munosib böliş şaraf masalasi hisoblanadi.