Özbekistonda 3 ming 800 ga yaqin noqonuniy quriliş aniqlandi. Javobgarlik kuçaytirilişi mumkin

Özbekistonda 2026 yilning 1 aprel holatiga köra, jami 3 ming 791 ta noqonuniy quriliş obekti aniqlandi. Bu haqda prezident Şavkat Mirziyoyevga taqdim etilgan sohadagi byurokratiyani qisqartiriş va nazoratni kuçaytirişga oid hisobotda malum qilingan.

Tahlillarga köra, noqonuniy obektlarning 1 ming 933 tasi sanoat zonalari hududiga töğri keladi. Tekşiruvlar davomida ayrim binolarda yerga bölgan huquq, loyihalaşga ruxsatnoma, kengaş yoki ekspertiza xulosalari mavjud emasligi malum bölgan.
Sohadagi tartibni tiklaş maqsadida quyidagi çoralar taklif etilmoqda:

• yerga oid huquq vujudga kelgan vaqtdan boşlab fuqarolar va tadbirkorlarga qonun talablari böyiça elektron eslatmalar yuboriş;
• “Onlayn mahalla” va “Şaffof quriliş” platformalari özaro integratsiya qiliş;
• obektlarni ruxsatnomasiz qurganlik uçun javobgarlik çoralari kuçaytiriş.

Şu bilan birga, köp kvartirali uylarda tösiq konstruktsiyalarini (devorlarni) özboşimçalik bilan buziş holatlari keskin köpaygani qayd etilgan. 2023 yilda bunday holatlar 563 ta bölgan bölsa, 2025 yilda 2 ming 484 taga yetgan.
Hisobotda ekspluatatsiya muddati 50-yildan oşgan 15 mingdan ziyod uylarda konstruktsiyalarni buzganlik uçun inspektsiyaga töğridan töğri jarima qöllaş vakolatini beriş taklif qilindi.

Bunga asos qilib esa qonunçilikda köp kvartirali uylardagi tösiq konstruktsiyalarini özboşimçalik bilan buzgan şaxslarga mamuriy çoralarni tezkor köriş mexanizmi yetarli emasligi körsatilgan.