Şavkat Mirziyoyev va Vladimir Putin Özbekistondagi AES qurilişiga start beradi

Özbekiston Prezidenti Şavkat Mirziyoyev va Rossiya Prezidenti Vladimir Putin joriy yilning 4 iyun kuni Özbekistonda Rossiyaning “Rosatom” korporatsiyasi tomonidan barpo etilayotgan AESning birinçi energobloki qurilişini boşlab berişni rejalaştirmoqda. Bu haqda bugun, 2 iyun kuni Rossiya rahbarining yordamçisi Yuriy Uşakov malum qildi.

Uning bildirişiça, Prezidentlar Sankt-Peterburg iqtisodiy forumi doirasida uçraşadi va videoaloqa orqali Özbekistondagi ilk AES qurilişiga “yaşil çiroq” yoqadi.

“Prezident Mirziyoyevning forumda iştirok etişi munosabati bilan, tabiiyki, ikki tomonlama uçraşuv ham ötkaziladi. U 4 iyun kuni keçqurun Konstantinov saroyida bölib ötadi”, deydi Uşakov jurnalistlarga.

U Özbekiston va Rossiya rahbarlari örtasidagi muzokaralarning boşlanişi ramziy manoga ega bölişini qayd etgan. 

“Uçraşuv ança ramziy va qiziqarli tarzda boşlanadi – ikki rahbar Özbekistonda integratsiyalaşgan atom elektr stantsiyasining birinçi energobloki qurilişi boşlanişiga bağişlangan videokonferentsiyada iştirok etadilar”, deydi Rossiya Prezidentining yordamçisi.

Uşakov bu loyiha ikki mamlakatning eng yirik va yetakçi loyihasi ekanligini qayd etgan.

“Marosim davomida rahbarlar Konstantinov saroyida bölişadi, quriliş maydonçasida esa ularni, xususan, MAGATE Boş direktori Rafael Grossi, “Rosatom” boş direktori Aleksey Lixaçev va “Özatom” agentligi rahbari Azim Ahmedxöjayevlar qutlaşadi”, deydi u.