Dehlidagi yonğin qurbonlari orasida özbekistonliklar bormi?

 Hindistonning Dehli şahridagi mehmonxonada yonğin çiqqani va oqibatda 20 dan ortiq odam halok bölgani haqida xabar berilgan edi. Malum bölişiça, yonğin qurbonlari orasida Özbekiston fuqarolari yöq. Bu haqda Taşqi işlar vazirligi matbuot xizmati xabar berdi.

Mahalliy rasmiy manbalarning malumotiga köra, fojia oqibatida 21 kişi halok bölgan. Ularning kamida 17 nafari xorij davlatlari, jumladan, Liberiya, Nigeriya, Mozambik va Bangladeş fuqarolari. Bazi manbalar jabrlanganlar orasida Markaziy Osiyo davlatlari fuqarolari ham borligini qayd etmoqda.

Uşbu hodisa munosabati bilan Özbekistonning Dehlidagi elçixonasi Konsullik bölimi fojia tafsilotlarini aniqlaş maqsadida zudlik bilan Hindistonning vakolatli organlari bilan boğlangan. Olingan rasmiy malumotlarga köra, mazkur yonğin oqibatida halok bölganlar va jabrlanganlar orasida Özbekiston Respublikasi fuqarolari yöq.

Özbekistonning Dehlidagi elçixonasi yuz bergan fojiali voqeani inobatga olgan holda Hindistonda bölib turgan yoki uşbu mamlakatga safar qilişni rejalaştirayotgan Özbekiston fuqarolarini yaşaş joyini tanlaşda jiddiy yondaşişga çaqiradi.
Mehmonxonalar va boşqa joylaşiş vositalarini bron qilişda faoliyat yuritiş uçun hujjat bilan tasdiqlangan ruxsatnoma va yonğin xavfsizligi sertifikatlariga ega bölgan obektlarni tanlaş, istiqomat qilinadigan joyda evakuatsiya çiqiş yöllari va boşlanğiç yonğinga qarşi himoya vositalari mavjudligiga işonç hosil qiliş söraladi.

• Manzil: EP40, Dr. S. Radhakrişnan Marg, Çanyakapuri, Nyu-Dehli, 110021
• Konsullik bölimi telefoni: +91 94994 85962
• E-mail: info.uzbekemassy@gmail.com
• Telegram: @consuluzbindia_bot.