Köp muhokamalar, bahslar böldi – Şavkat Mirziyoyev Jizzaxdagi AES haqida

Özbekiston Respublikasi Prezidenti Şavkat Mirziyoyev va Rossiya Federatsiyasi Prezidenti Vladimir Putin Özbekistonda integratsiyalaşgan atom elektr stantsiyasining birinçi energiya blokini quriş işlariga start bergani haqida xabar qilingan edi. Özbekiston yetakçisi mazkur jarayonga qadar uzoq muhokamalar, bahslar bölganini aytdi. Bu haqda Şavkat Mirziyoyev keça, 4 iyun kuni Vladimir Putin bilan uçraşuv çoğida söz oçdi.

Dastlab Putin Özbekiston yetakçisiga vaqt topib, Peterburgga kelgani uçun minnatdorlik bildirgan va Özbekistonda quriladigan birinçi atom elektr stantsiyasi haqida töxtalgan.

“Sankt-Peterburg xalqaro iqtisodiy forumida iştirok etiş uçun vaqt topib, Peterburgga kelganingiz uçun katta rahmat. Siz bizning boş mehmonimizsiz va ertaga bizda ommaviy ravişda ikki tomonlama iqtisodiy aloqalar va muammolar haqida gaplaşiş, şuningdek, mintaqadagi va dunyodagi vaziyat bilan boğliq masalalarni muhokama qiliş imkoniyati böladi. Iqtisodiyotda yuz berayotgan voqealar haqida sizning fikringizni eşitiş biz uçun juda qiziqarli.
Lekin bugun bizda yana bir juda yoqimli voqea – bu bölajak yirik, quvvatli obektning – Özbekistonda Rossiya dizayni asosida quriladigan birinçi atom elektr stantsiyasi poydevorining qöyilişidir. Buning ustida siz şaxsan özingiz juda köp işlaganingizni bilaman”, deydi Rossiya rahbari.

Şuningdek, u Özbekiston va Rossiya örtasidagi iqtisodiy hamkorlik masalalariga ham töxtalgan. 

“Umuman olganda, mamlakatlarimiz iqtisodiyoti muvaffaqiyatli rivojlanmoqda. Sizning rahbarligingizda Özbekiston iqtisodiyotida yuz berayotgan özgarişlardan xursandmiz. Tovar aylanişi ösyapti, ötgan yili u 12 foizdan köproqqa oşdi – bu juda yaxşi körsatkiç.
Biz siz bilan doimiy aloqadamiz va gaplaşadigan mavzular doim topiladi, çunki munosabatlarimiz hajmi tinimsiz kengaymoqda. Bu özaro investitsiyalar hajmiga ham tegişli: Rossiyaning Özbekiston iqtisodiyotiga kiritayotgan sarmoyalari ham yaxşi dinamikaga ega, yaxşi surat oldi. Eng muhimi, ikkala jarayon ham har ikki mamlakat manfaatlariga xizmat qilmoqda”, deydi Putin.

Öz örnida Özbekiston Prezidenti Peterburgda ötayotgan forum va muzokaralar haqida söz oçgan.

“Haqiqatan ham, biz katta jamoa bilan mamnuniyat bilan keldik, forumning barça şöbalarida faol iştirok etyapmiz, forum juda jiddiy. Biz bunday darajada birinçi marta qatnaşişimiz va albatta, barça muzokaralar, uçraşuvlarni boşlab yubordik.
Öylaymanki, ertangi yalpi yiğiliş ham köp narsalar, jumladan, ikki mamlakat iqtisodiyoti haqida gaplaşib olişga imkon beradi. Men ham tayyorgarlik köryapman, bu haqda siz bilan bir neça bor gaplaşgan edik. Bu özaro manfaatli hamkorlik va kelişuvlarimiz natijadorligi uçun juda foydali böladi, deb hisoblayman”, deydi Özbekiston yetakçisi.

Şu bilan birga, Şavkat Mirziyoyev Özbekistonda qurilişi boşlangan AES haqida töxtalib, mazkur jarayonga qadar uzoq muhokamalar, bahslar bölganini aytgan.  

“Tarixda ilk bor “Rosatom” bilan gibrid stantsiya: ikkita kiçik model, ikkita katta model barpo etilmoqda. Siz aytganingizdek, biz bunga uzoq vaqt davomida intildik, uzoq gaplaşdik, bahslaşdik. Lekin, nihoyat, eng töğri qarorga keldik — bu biz uçun juda zarur, çunki iqtisodiyot ösyapti, energetika taminlangan bölişi kerak.
Men sizga bir neça bor aytganman, uran işlab çiqariş böyiça dunyoda beşinçi, zaxiralari böyiça esa öninçi örindamiz. Bu biz uçun 60 yillik kelajak demakdir. Yangi gibrid stantsiyamiz uçun 19,5 tonna uran kerak böladi. Biz “Rosatom”dagi hamkasblar bilan bu masala ustida juda jiddiy muzokara olib boryapmiz. Öylaymanki, bu natija ikki tomon uçun ham juda manfaatli böladi. Bu – Rossiya va Özbekiston örtasidagi energetika sohasidagi strategik loyihadir. Bizda bu yönalişdagi loyihalarni faqat şu bilan çeklab qöymaslik niyati bor”, deydi Özbekiston yetakçisi.

Bundan taşqari, Özbekiston Prezidenti ham iqtisodiy hamkorlik masalalari haqida söz oçgan. 

“Siz takidlaganingizdek, albatta, tovar aylanmasi yaxşi ketmoqda. Boş vazirlar Hukumatlararo komissiya yiğilişini ötkazişdi, Hududlar forumini ötkazdik, ananaviy oltinçi “INNOPROM” bölib ötdi. Siz bilan kelişib olgan barça masalalarimiz muvaffaqiyatli amalga oşirilmoqda.
Haqiqatan ham, siz hozir qayd etganingizdek, tovar aylanmasi siz bilan kelişib olgan maqsadimizga – yillik 20 milliard dollarlik marraga yaqinlaşmoqda, bugungi kunda 2025 yil yakunlariga köra bu körsatkiç 13 milliard dollarni taşkil etdi. Lekin, öylaymanki, 2026 yil yakunlari böyiça yana ösişga erişamiz, çunki yirik loyihalarimiz ham bor. Şunday ekan, uşbu uçraşuvimiz ham bunga yangi surat bağişlaydi, deb hisoblayman. 
Jamoamizning rejalari juda katta. Madaniy dasturlarimiz ham boşlandi: Mariinskiy teatrida, Ermitajda körgazmalarimiz oçildi. Biz barça yönalişlarni qamrab olgan yaxlit majmua bilan keldik”, deydi Özbekiston Prezidenti.