Andijonda mansabdorlar pora bilan uşlandi
Andijon viloyatida mansab vakolatini suiistemol qilib, fuqarolardan pul talab qilgan ikki nafar mansabdor şaxs qölga olindi. Bu haqda Davlat xavfsizlik xizmati xabar berdi.
Jumladan, Andijon viloyati Quriliş va uy-joy kommunal xöjaligi sohasida hududiy nazorat qiliş inspektsiyasi şuba boşliği Andijon şahridagi savdo dökonida içimlik suvidan noqonuniy foydalanilişi oqibatida davlatga yetkazilgan qariyb 680 mln sömlik zararni mansabdor tanişlari orqali qayta hisoblatib, kamaytiriş hamda mamuriy çora körilişida yordam beriş evaziga tadbirkordan 30 mln söm talab qilgan.
U DXX, Iqtisodiy jinoyatlarga qarşi kuraşiş departamenti va IIB xodimlari hamkorligida ötkazilgan tezkor tadbir davomida söralgan pul mablağini olgan vaqtida aşyoviy dalillar bilan uşlangan.
Şuningdek, aktsiyadorlik tijorat banklaridan birining Asaka tumani filiali Mahallabay işlaş bölimi boş menejeri fuqaroga 3 mlrd 650 mln söm miqdoridagi kreditni rasmiylaştirib berişda yordam beriş evaziga 8 ming AQŞ dollari talab qilgan. U joriy yilning aprel–may oylarida fuqarodan jami 7 800 AQŞ dollari olgan.
Biroq boş menejer vadasini bajara olmagan va uşbu mablağdan 1 ming AQŞ dollarini qaytarib berayotgan vaqtida DXX hamda IIB xodimlari tomonidan qölga olingan.
Hozirda har ikki holat yuzasidan mansabdor şaxslarga nisbatan jinoyat işlari qözğatilib, tergov harakatlari olib borilmoqda.
Eslatib ötamiz, avvalroq davlat zaxirasidagi 2 sotix yerni mansabdor tanişlari orqali olib beriş uçun 50 ming dollar talab qilgan Guliston hokimligining masul xodimi uşlangani haqida xabar berilgandi.