Surxondaryo viloyati Jarqörğon tumanining Namuna mahallasi hududidan oqib ötuvçi Surxon daryosiga çömiliş uçun borgan 6 nafar yigitdan 3 nafari daryoda çökib halok böldi. Bu haqda viloyat Favqulodda vaziyatlar boşqarmasi xabar berdi.

Malum qilinişiça, mazkur mahallada istiqomat qiluvçi 2008 yilda tuğilgan 6 nafar yigit çömiliş maqsadida daryo böyiga borgan. Daryoning kuçli oqimi yigitlarning 3 nafarini oqizib ketgan.

Yigitlardan biri suvga tuşmagan. Qolgan beş nafar yigit esa çömiliş maqsadida daryoga kirgan. Atrofda bölgan fuqarolar darhol yordamga oşiqib, suvga tuşib ketgan yigitlardan ikki nafarini qutqarişga muvaffaq bölgan.

Voqea joyiga maxsus qutqaruv xizmati ğavvoslari zudlik bilan yetib borgan.

Öşa kunning özida maxsus qutqaruv xizmati ğavvoslari tomonidan bir nafar fuqaroning jasadi suvdan olib çiqilgan, 9 iyun kuni esa yana bir nafari topilgan. Hozirgi kunda yana bir nafar fuqaroning jasadini qidiriş-qutqariş işlari amalga oşirilmoqda.

Eslatib ötamiz, avvalroq Surxondaryo viloyatining Qumqörğon tumanidagi suv omborida qayiq ağdarilib ketişi oqibatida unda bölgan bir kişi çökib ketgani haqida xabar berilgandi.