30 may kuni Ostona şahrida Markaziy Osiyo davlatlari rahbarlari va Italiya Boş vaziri Jorjiya Meloni iştirokidagi birinçi sammit bölib ötadi. Bu haqda Qozoğiston Prezidenti matbuot xizmati xabar berdi.
Şu kuni Italiya hukumati rahbari Qozoğistonga rasmiy taşrif bilan boradi.
Meloni avvaliga 25-27 aprel kunlari Markaziy Osiyo davlatlari rahbarlari iştirokida bölib ötadigan sammitda iştirok etiş uçun Özbekistonga, keyin esa Qozoğistonga borişni rejalaştirgan edi. Biroq 21 aprel kuni Rim papasi Frantsiskning vafoti va undan keyingi motam tadbirlari tufayli taşriflar qoldirildi. Meloni 28-29 may kunlari Samarqandda böladi.
Qayd etiş joiz, Markaziy Osiyo “beşligi” – Qozoğiston, Qirğiziston, Tojikiston, Turkmaniston va Özbekiston rahbarlarining boşqa davlat rahbari bilan uçraşadigan formatdagi sammitlari bir neça yildan buyon ötkazib kelinmoqda. Bu kabi tadbirlar Taşqi işlar vazirliklari yoki boşqa idoralar rahbarlari iştirokida ham ötkazilmoqda.
Bu yil yozda Ostona “Markaziy Osiyo – Xitoy”, kuzda esa Duşanbe “Markaziy Osiyo-Rossiya” sammitiga mezbonlik qilişni rejalaştirgan.