Namangan viloyatida avval firibgarlik uçun sudlangan şaxs AQŞga yuborişni vada qilib, fuqarodan 50 ming AQŞ dollari talab qilgani aniqlandi. Bu haqda Içki işlar vazirligi xabar berdi.

Qayd etilişiça, 2001 yilda tuğilgan gumonlanuvçi AQŞga ketiş istagida bölgan fuqaroning işonçiga kirib, undan 50 ming dollar söragan. Kelişilgan mablağning bir qismini oliş maqsadida u mijozni kafega çaqirgan va firibgarlik yöli bilan 20 ming AQŞ dollarini olgan vaqtida qölga olingan.

Tezkor tadbir davomida olingan pullar aşyoviy dalil sifatida protsessual tartibda rasmiylaştirilgan.

Mazkur holat yuzasidan gumonlanuvçiga nisbatan Özbekiston Respublikasi Jinoyat kodeksining 168-moddasi (Firibgarlik) 4-qismi “a” bandi bilan jinoyat işi qözğatilib, unga qamoq ehtiyot çorasi qöllanilgan.

Eslatib ötamiz, avvalroq Samarqand viloyatining Urgut tumanida fuqaroni Isroilga işga yuborişni vada qilib, pul olgan şaxs uşlangan edi.