Ўзбекистонда кадастр паспортларини бериш муддатлари узайтирилди 

Ҳукумат қарори билан Ўзбекистонда кадастр паспортларини бериш муддатлари узайтирилди.

Кадастр агентлиги
Вазирлар Маҳкамасининг “Ўзбекистон Республикасининг ЪЎзбошимчалик билан эгаллаб олинган ер участкаларига ҳамда уларда қурилган бинолар ва иншоотларга бўлган ҳуқуқларни эътироф этиш тўғрисидаъги қонунини амалга ошириш бўйича қўшимча чора-тадбирлар ҳақида”ги қарори қабул қилди.

Ҳужжат билан Кўчмас мулк обектига кадастр паспортини бериш бўйича давлат хизматлари кўрсатишнинг маъмурий регламентлпрга ўзгартиришлар киритилди. Унга кўра, паспортни тайёрлаш муддати узайтирилди.

Хусусан, у обектнинг мураккаблигига қараб:
  кўп квартирали уйлардаги квартиралар учун — 5 иш кунигача (аввал 3 иш кунигача эди);
  якка тартибдаги уй-жой учун — 8 иш кунигача (аввал 5 иш кунигача эди) бўлган муддатда тайёрланади.
Кўчмас мулк обектларининг яшаш учун мўлжалланмаган қисми ва умуман кўп квартирали уй бўйича:
  умумий майдони 100 кв. метргача — 8 иш куни;
  100 дан 1000 кв. метргача — 10 иш кунигача;
  1000 дан 5 000 кв. метргача — 15 иш кунигача;
  5000 дан 15 000 кв. метргача — 20 иш кунигача;
  15000 дан 50 000 кв. метргача — 26 иш кунигача;
  50 000 кв. метрдан ортиқ бўлганда — 35 иш кунигача муддатда тайёрланади.
Кўп йиллик дов-дарахтлар жойлашган ер участкаси бўйича қуйидаги муддатларда тайёрланади:
  умумий майдони 1 гектаргача — 15 иш кунигача;
  умумий майдони 1 гектардан 5 гектаргача — 20 иш кунигача;
  умумий майдони 5 гектардан 10 гектаргача — 26 иш кунигача;
  умумий майдони 10 гектардан 100 гектаргача — 35 иш кунигача;
  умумий майдони 100 гектардан ортиқ — 40 иш кунигача.

Вазирлар Маҳкамаси қарорида белгиланишича, Кадастр агентлиги тегишлича ижара ва мулк ҳуқуқини эътироф этиш мақсадида кўриб чиқиладиган ер участкасининг, бинонинг ва иншоотнинг электрон йиғмажилд ҳужжатларини ушбу ер участкаси бино ва иншоотлар билан банд бўлган тақдирдагина автоматлаштирилган ахборот тизимига жойлаштиради. Бунда ер участкасининг чегараси кўчмас мулк обекига кириш қисмидан бошлаб аниқланади