Qurbon hayiti arafasida Özbekiston tomoni kömagi bilan bir guruh ukrainalik bolalar dam oliş va reabilitatsiya uçun Toşkentga keldi. Bu haqda Ukrainaning Özbekistondagi elçixonasi xabar berdi.

Qayd qilinişiça, 12 kun davomida ular uçun maxsus dam oliş va psixologik tiklaniş dasturini amalga oşiriş közda tutilgan. Bolalar Ukrainaning jangovar harakatlardan aziyat çekayotgan turli viloyatlaridan, xususan, Xarkov, Xerson, Nikolayev, Zaporojiye, Sumi, Xmelnitskiy, Lvov va Kiyev şaharlaridan kelgan.

Takidlanişiça, Ukraina elçixonasi murojaatiga javoban Özbekiston tomonining taklifi va töliq kömagi bilan taşkil etilgan uşbu gumanitar missiya bolalarga ruhiy muvozanatni tiklaşga hamda «har kungi havo hujumlari va raketa zarbalaridan çalğib dam olişga yordam berişni» maqsad qilgan.

«Bolalar va ularning kuzatuvçilari Toşkent xalqaro aeroportida tantanali ravişda kutib olindi, şundan söng ular Tyan-Şan toğlari etagidagi gözal vodiyga yöl olişdi. Oromgohdagi keçki qabul samimiy va iliq ruhda taşkil etildi. Taşrif dasturi mazmunli bölib, bu Özbekiston davlat organlarining misli körilmagan darajada jalb etilganidan dalolat beradi. Uni amalga oşirişda mamlakatning deyarli barça tegişli vazirlik va idoralari iştirok etmoqda. Har kuni bolalarni «Milliy qadriyatlar kuni»dan tortib, «Sport va salomatlik kuni»gaça bölgan mavzuli tadbirlar, ijodiy tanlovlar va ekskurtsiyalar kutmoqda. Bunday kompleks yondaşuv Özbekiston tomonining uşbu murakkab davrda ukrainalik bolalarga har tomonlama yordam va kömak körsatişdan çuqur manfaatdor ekanini yaqqol körsatadi», deyiladi xabarda.