Starlink Özbekistonda 2026-yilda işga tuşirilişi mumkin

Starlink suniy yöldoş interneti Özbekistonda öz xizmatini 2026-yilda yölga qöyişi kutilmoqda. Bu malumot servisning rasmiy saytida elon qilindi.

Amerikalik milliarder Ilon Maskka tegişli SpaceX kompaniyasining Starlink suniy yöldoş internet xizmati xaritasida Özbekistonda xizmat körsatiş sanasi 2026-yildan boşlanişi qayd etilgan.

Avvalroq Starlink’ning Özbekiston bozoriga çiqişi 2023-yilga rejalaştirilgan edi. Keyinçalik bu muddat 2025-yilga köçirilgan, hozirda esa yana bir yilga surilgani malum qilindi.

SpaceX kompaniyasi Özbekistonda yirik loyihalar amalga oşirişga tayyor ekanini 2022-yilda bildirgan. “Özbekkosmos” agentligi vakillari taklifi qabul qilinsa, Xalqaro astronavtika kongressi 2028-yilda Özbekistonda ötkazilişi, unga Ilon Mask ham taşrif buyurişi mumkin.

Şu bilan birga, qöşni Qozoğistonda Starlink 2025-yil 13-avgustdan boşlab rasman işga tuşirildi. Unga qadar xizmat faqat sinov (pilot) rejimida faoliyat yuritgan va undan asosan qişloq maktablari foydalanib kelgan. Endi esa servis barça foydalanuvçilar uçun oçiq.

Starlink — AQŞdagi SpaceX kompaniyasi (Ilon Mask asos solgan) tomonidan 2015-yilda işlab çiqilgan va boşqariladigan suniy yöldoş internet tizimi hisoblanadi. Uning asosiy maqsadi — dunyodagi istalgan nuqtada, hatto eng olis va infratuzilmasiz hududlarda ham yuqori tezlikdagi internet taqdim etişdir. Internet tezligi odatda 50–250 Mbit/s oraliğida böladi.