Özbekistonda pensiyani oldindan hisoblaş imkoniyati paydo böladi
11-09-2025, 11:27
490 марта
Özbekistonda pensiyani oldindan hisoblaş imkoniyati paydo böladiÖzbekistonda 2026 yilning bahoridan pensiyani oldindan hisoblaş imkoniyati paydo böladi. Bu haqda 10 sentyabr kuni Iqtisodiyot va moliya vazirligi huzuridagi byudjetdan taşqari Pensiya jamğarmasi ijroçi direktori Murodbek Atadjanov malum qildi.
Hozirda Pensiya jamğarmasi hali pensiyaga çiqmagan şaxslar uçun möljallangan "Mening pensiyam" dasturini işlab çiqiş ustida iş olib bormoqda. Bu dastur fuqarolarga kelajakdagi pensiya miqdorini oldindan bilib oliş imkonini beradi.
“Buning uçun JŞŞIRni kiritiş va OneID orqali identifikatsiyadan ötiş kerak. Şaxs özi haqidagi barça malumotlarni 26 ta vazirlik va idoralar bilan integratsiyalaşgan holda oladi: iş haqi, mehnat staji, öqiş davri, ayollar uçun bolalar soni, erkaklar uçun harbiy xizmat. Uşbu malumotlar asosida bölajak pensiya hisoblab çiqiladi va körsatiladi”, — dedi Murodbek Atadjanov.
Uning aytişiça, dastur fuqarolarga yoşga qarab pensiya oliş uçun yetarli iş stajiga ega ekanliklarini biliş imkoniyatini ham beradi. Agar staj yetarli bölmasa, bu norasmiy sektordan çiqib, yuqoriroq maoş tölanadigan işga ötişni rağbatlantirişi mumkin.
— Dastlab "Mening pensiyam" xizmatini işga tuşiriş 2026 yil 1 sentyabrdan rejalaştirilgan edi. Pensiya jamğarmasi jarayonni tezlaştirib, dasturni kelasi yilning aprel—may oylaridanoq işga tuşiriş niyatida, deya qöşimça qildi Atadjanov.