Nukusdagi harbiy dala-öquv maydonida portlaş böldi

Keça, 10 sentyabr kuni Qoraqalpoğiston Respublikasidagi Nukus harbiy dala-öquv maydonida portlaş sodir böldi. Bu haqda Milliy gvardiyaga tayanib, ÖzA xabar berdi.

Milliy gvardiyaning malumot berişiça, Nukus dala öquv maydonida, amaliy öquv maşğuloti taşkillaştirilgan.  Uning davomida öquv maşğuloti uçun möljallangan portlovçi maxsus vositaning detonatsiya şnuri çaqnaşi natijasida kiçik portlaş yuzaga kelib, maşğulot iştirokçilaridan 10 ga yaqin harbiy xizmatçi turli darajadagi tan jarohat olişgan. Ularga öz vaqtida birinçi tibbiy yordam körsatilgan va hozirda körilgan zarur çoralar natijasida harbiy xizmatçilarning soğligi tiklanmoqda.

Holat yuzasidan esa xizmat suriştiruvi tayinlangan, hozirda mutasaddi rahbarlar tomonidan örganiş işlari olib borilmoqda.