Özbekiston “Tolibon”ga vertolyotlarni qaytarmaydi – TIV

Avvalroq Özbekiston 2021 yilning avgustida Afğonistonda amaldagi hokimiyat qulaganida mamlakatdan olib çiqib ketilgan harbiy vertolyotlarni mamlakatni hozirda idora qilayotgan “Tolibon” muvaqqat hukumatiga qaytarişga rozi bölgani haqida xabarlar tarqalgandi. Özbekiston Taşqi işlar vazirligi matbuot kotibi Ahror Burhonov bunday xabarlarni rad etdi.

Uning aytişiça, bu xabarlar haqiqatga töğri kelmaydi. 

AQŞ Mudofaa vazirligi 2021 yilda “Tolibon” Afğonistonda hokimiyatni egallaganidan söng 46 ta samolyot va vertolyotning Özbekistonga, yana 18 tasining Tojikistonga olib borilganini tasdiqlagan. Bu parvoz vositalari tarkibiga Mi-17 va UH-60 vertolyotlari, şuningdek, PC-12, C-208, AC-208 va A-29 rusumli qanotli samolyotlar kirgan.

“Tolibon” bir neça bor ikkala davlatdan ham ularni topşirişni talab qilgan, biroq Toşkent va Duşanbedagi rasmiylar bu talablar yuzasidan oçiq izoh bermagan.

AQŞning Özbekistondagi elçisi oldinroq bergan bayonotida yangi kelişuvga köra, Özbekistonga qöngan 46 ta uçoq uşbu mamlakat nazoratida qolişini aytgan. AQŞning Afğoniston böyiça elçixonasi esa Tojikistonga sobiq afğon harbiy samolyotlarini “Tolibon”ga topşirmagani uçun minnatdorlik bildirgan.

Afğoniston sobiq xavfsizlik qömondonining aytişiça, “Tolibon” hokimiyatni qölga kiritişidan avval AQŞ mamlakat havo kuçlarini jami 229 ta vertolyot – jangovar va transport vositalari bilan taminlagan.