Boğçalarda bolalarning ommaviy zaharlanişi ortidan jinoyat işi oçildi

Toşkent viloyatining Piskent va Böka tumanlaridagi davlat maktabgaça talim muassasalarida bolalar ommaviy zaharlangani haqida xabar berilgandi. Bolalar zaharlangan hududlar qatoriga Quyi Çirçiq tumani ham qöşildi va mazkur holat yuzasidan jinoyat işi qözğatildi. Bu haqda Bolalar ombudsmani xabar berdi. 

Aniqlanişiça, keça, 24 sentyabr kuni Toşkent viloyatining Piskent, Böka va Quyi Çirçiq tumanlaridagi davlat maktabgaça talim muassasalari tarbiyalanuvçilari tuman tibbiyot birlaşmalariga soğliğidagi qator şikoyatlar (tana haroratining kötarilişi, köngil aynişi va iç ketişi) bilan murojaat qilgan.
Dastlabki tibbiy köriklar xulosasi asosida bemor bolalarga zaruriy muolajalar amalga oşirilgan hamda şu kunning özida aksariyat bolalarning soğliği yaxşilangani tufayli uylariga javob berilgan, oğir ahvoldagi bemorlar aniqlanmagan.

Bildirilişiça, sanitariya-epidemiologik osoyiştalik va jamoat salomatligi viloyat boşqarmasi hamda Piskent, Böka va Oqqörğon tuman bölimlari mutaxassislari tomonidan DMT muassasalarining oşxonalari közdan keçirilib, bolalar sutkalik istemol qilgan taomlardan olingan namunalar laboratoriyalarda tegişli tartibda tekşirilmoqda.

Bolalarning ommaviy zaharlanişi bilan boğliq har qanday vaziyat mutasaddi idoralarning alohida nazoratida örganiladi.

Bugun, 25 sentyabr kuni uşbu holat yuzasidan Toşkent viloyati IIBB huzuridagi tergov boşqarmasi tomonidan Jinoyat kodeksining 257-1-moddasi (Sanitariyaga oid qonunçilikni yoki epidemiyaga qarşi kuraş qoidalarini buziş) 1-qismi bilan jinoyat işi qözğatilib, dastlabki tergov harakatlari ötkazilmoqda. Bolalar ombudsmani bola manfaatlari nuqtai nazaridan holat böyiça öz kuzatuvini davom ettiradi.