Özbekiston Jahon bankidan 800 mln dollar kredit olmoqda

Olingan kredit pullari kambağallikni qisqartirişda davom etiş, iş örinlarini yaratiş kabi yönalişlarga ajratilişi rejalaştirilgan.

Jahon banki ijroçi direktorlar kengaşi Özbekistonda kambağallikni qisqartirişda davom etiş, iş örinlarini yaratiş, xususiy sektorni rivojlantiriş va mamlakat iqtisodiyotining strategik muhim tarmoqlarida raqobatni kuçaytirişga qaratilgan islohotlarni qöllab-quvvatlaş uçun imtiyozli kreditlar körinişidagi 800 mln dollarlik moliyaviy paketni ajratişni maqulladi. 
Jahon banki tomonidan uşbu operatsiya doirasida qöllab-quvvatlanayotgan davlat siyosati çoralari kam taminlangan uy xöjaliklari uçun energiya tariflari oşirilişi oqibatlarini yumşatiş; ayollarni iş joyidagi tazyiq va zöravonlikdan himoya qiliş; aholining zaif qatlamlarining ijtimoiy xizmatlardan foydalaniş imkoniyatlarini kengaytiriş; telekommunikatsiya, qişloq xöjaligi va energetika sohalarida raqobatni kuçaytiriş, şuningdek, Özbekistonning xalqaro savdosini kengaytirişga yönaltirilgan.

Yuqorida qayd etilgan islohotlarni amalga oşiriş uçun Jahon banki 800 mln dollar miqdorida imtiyozli kreditlar ajratadi. Uşbu mablağlar hukumatga uzoq muddatli qaytariş şartlari asosida past foiz stavkasi bilan taqdim etiladi. Bunday kreditlaş şartlari xalqaro moliya bozorlaridagiga qaraganda ança foydaliroq. 

Bu orqali Özbekiston qarz böyiça xizmat körsatiş xarajatlarini qisqartirişi va tejalgan byudjet mablağlarini ustuvor ijtimoiy-iqtisodiy masalalarni hal etişga yönaltirişi mumkin böladi.