Özbekiston Qozoğiston bilan nimalarga kelişdi?

Bugun, 15 noyabr kuni Toşkentdagi Köksaroy qarorgohidan ötgan muzokaralar yakunida Özbekiston Respublikasi Prezidenti Şavkat Mirziyoyev va Qozoğiston Respublikasi Prezidenti Qosim-Jomart Töqayev Qöşma bayonot imzoladi. Bu haqda ikki davlat rahbarlarining matbuot xizmatlari xabar berdi.

Şavkat Mirziyoyev va Qosim-Jomart Töqayev quyidagi hujjatlarni imzoladi:
 

1. Qozoğiston Respublikasi va Özbekiston Respublikasi hududlari rahbarlari kengaşini tuziş töğrisidagi Oliy davlatlararo kengaş qarori;
2. Geologiya, kamyob va nodir yer metallarini qazib oliş böyiça ikki tomonlama işçi guruhini tuziş töğrisidagi Oliy davlatlararo kengaş qarori;
3. Transçegaraviy daryolar suvliligini başorat qiliş böyiça ikki tomonlama işçi guruhini tuziş töğrisidagi Oliy davlatlararo kengaş qarori.

Taşrif davomida yana bir qator hujjatlar imzolandi, jumladan:

• Transçegaraviy suv obektlarini birgalikda boşqariş va ulardan oqilona foydalaniş töğrisidagi bitim;
• Bojxona xizmati vakolatxonalarini oçiş töğrisidagi bitim;
• Çegaraoldi hududlarda yerusti radio xizmatlari tomonidan fuqarolik maqsadlarida foydalaniladigan radioçastotalarni özlaştirişni muvofiqlaştiriş töğrisidagi bitim;
• Qöşma harbiy öquvlarni ötkaziş töğrisidagi bitim;
• Qöşma investitsiya platformasini yaratiş töğrisidagi hadli bitim;
• 2026-2027 yillarga möljallangan turizm sohasida hamkorlik böyiça qöşma harakatlar rejasi;
• Adliya vazirliklari örtasida 2025-2026 yillarga möljallangan hamkorlik dasturi;
• Toğ-kon sanoatida hamkorlikni rivojlantiriş töğrisidagi memorandum;
• Özbekiston Yoşlar işlari agentligi va “Assambleya jastari” jamoat birlaşmasi örtasida hamkorlik töğrisidagi memorandum;
• Soğliqni saqlaş vazirliklari örtasida ixtisoslaştirilgan tibbiy yordam körsatiş sohasida özaro anglaşuv memorandumi;
• Tibbiy suğurta jamğarmalari örtasida özaro anglaşuv memorandumi;
• Toşkent şahar hokimligi va Ostona şahar hokimligi örtasida hamkorlik bitimi;
• “Özbekneftgaz” va “Kazmunaygaz” aktsiyadorlik jamiyatlari örtasida hamkorlik bitimi.