“Köksaroy”da Paragvay Prezidenti kutib olindi

Bugun, 11 dekabr kuni Toşkentdagi “Köksaroy” qarorgohida Özbekistonga rasmiy taşrif bilan kelgan Paragvay Respublikasi Prezidenti Santyago Penyani kutib oliş marosimi böldi. Bu haqda Prezident matbuot xizmati xabar berdi.

Santyago Penyaning Özbekistonga taşrifi 11-13 dekabr kunlariga möljallangan. Unga safar davomida rafiqasi Letitsiya Okampos hamrohlik qilmoqda.

Toşkent şahrida bölib ötadigan oliy darajadagi muzokaralarda Özbekiston bilan Paragvay örtasida siyosiy, savdo-iqtisodiy, madaniy va gumanitar sohalardagi hamkorlikni rivojlantiriş istiqbollari muhokama qilinişi rejalaştirilgan.
Jumladan, qişloq xöjaligi, oziq-ovqat va kimyo sanoati, raqamlaştiriş, turizm hamda sport sohalarida amaliy şeriklikni örnatişga alohida etibor qaratiladi.

Paragvay yetakçisi, şuningdek, Xalqaro avtomobil federatsiyasi Boş assambleyasida va federatsiya şafeligida ötkaziladigan musobaqalar ğoliblarini taqdirlaş marosimida iştirok etadi.