​​​​Urganç davlat universiteti talabasi 60 metrga yuguriş böyiça Özbekiston çempioni böldi

Andijon şahrida yopiq inşootlarda kattalar hamda U-20 yoşlar örtasida yengil atletika böyiça Özbekiston çempionati qizğin va murosasiz bahslar bilan davom etmoqda. Musobaqada mamlakatning turli hududlaridan taşrif buyurgan iqtidorli sportçilar öz mahoratlarini namoyiş etmoqda.

Quvonarli jihati şundaki, uşbu nufuzli çempionatda Urganç davlat universiteti sportçi talabalari yuqori natijalar qayd etib, universitet jamoasining nufuzini yanada oşirmoqda.

Xususan, Sport faoliyati, pedagogika va psixologiya fakulteti talabasi Sardor Adamboyev musobaqaning 60 metr masofaga yuguriş final bahsida 7,05 soniya natija bilan marra çiziğini birinçi bölib kesib ötib, oltin medal sohibi böldi. Şu bilan birga, u saralaş bosqiçida qayd etgan 7,19 soniyalik natijasini 0,14 soniyaga yaxşilaşga erişdi.

Mazkur ğalaba Sardor Adamboyevning yuksak tayyorgarligi, irodasi va mehnatsevarligining yorqin ifodasi bölib, uni Özbekiston çempioni unvoniga sazovor etdi.

Tahririyatimiz Sardor Adamboyevni, uning ustoz-murabbiylarini hamda Urganç davlat universiteti jamoasini uşbu munosib ğalaba bilan samimiy muborakbod etib, kelgusida ham yangi zafarlar tilaydi.