48 nafar özbekistonlik Doha aeroportida qolib ketdi
1-03-2026, 20:04
116 марта

48 nafar özbekistonlik Doha aeroportida qolib ketdi
Qatar havo hududining vaqtinça yopilişi oqibatida Toşkentga qaytayotgan 48 nafar özbekistonlik Doha aeroportida qolib ketdi. Bu haqda mamlakatning Dohadagi elçixonasiga tayanib, “Dunyo” axborot agentligi xabar berdi.Qayd etilişiça, Yaqin Şarqdagi sönggi voqealar tufayli Qatarda bölib turgan 600 ga yaqin Özbekiston fuqarosi orasida jabrlanganlar aniqlanmagan. Keça, 28 fevral kuni Qatar havo hududining vaqtinça yopilişi oqibatida Toşkentga qaytayotgan 48 nafar özbekistonlik Doha aeroportida qolib ketgan. Aviakompaniyalar favqulodda vaziyat sabab yölovçilarni mehmonxona bilan taminlay olmagan. Biroq elçixona xodimlari zudlik bilan aeroportga yetib borgan. Muzokaralar natijasida Özbekiston fuqarolari, jumladan, ijtimoiy tarmoqlar orqali yordam söraganlar vaqtinçalik mehmonxonalarga joylaştirilgan.
“Qatar havo hududi oçilib, parvozlar tiklanişi bilan fuqarolarimizning Vatanga xavfsiz qaytişi taminlanadi. Vaziyat elçixonaning doimiy nazoratida bölib, yölovçilar röyxati muntazam yangilab borilmoqda”, deyiladi xabarda.
Diplomatik vakolatxona fuqarolarni vahimaga tuşmaslikka, faqat rasmiy manbalarga tayanişga hamda xavfsizlik yuzasidan odamlar gavjum joylardan saqlanib, mahalliy qonun-qoidalarga amal qilişga çaqirmoqda.
Murojaat uçun elçixona konsuli Otabek Muratov bilan boğlaniş mumkin: +974 5141 1001.