Özbekistonda uy-joy va avtomobil xaridi 1 apreldan faqat naqd pulsiz tartibda amalga oşiriladi

Özbekistonda 2026 yil 1 apreldan boşlab ayrim tölovlar faqat naqd pulsiz şaklda amalga oşiriladi. Yani endi bank kartalari yoki elektron tölov tizimlari orqali hisob-kitob qiliş tartibi joriy etiladi.

Bu haqda prezidentning 10 dekabrda qabul qilingan «Naqdsiz hisob-kitoblarni ommalaştiriş va yaşirin iqtisodiyot uluşini qisqartirişga qaratilgan qöşimça çora-tadbirlar töğrisida»gi farmonida belgilangan.

Farmonga muvofiq, quyidagi tölovlar naqd pulsiz şaklga ötkaziladi:

— davlat organlari tomonidan körsatiladigan xizmatlar uçun tölovlar;
— elektr energiyasi, tabiiy gaz va içimlik suvidan foydalanganlik uçun hisob-kitoblar;
— alkogol va tamaki mahsulotlari uçun tölovlar;
— AYoQŞlar orqali neft-gaz mahsulotlarini sotib oliş, şuningdek, elektromobillarni quvvatlaş xizmatlari;
— qiymati 25 million sömdan yuqori bölgan tovar va xizmatlar;
— köçmas mulk obektlari, şuningdek, işlab çiqarilganiga 10 yildan oşmagan M, N, O va G toifasiga kiruvçi transport vositalari hamda maxsus avtotransportlarni sotiş va sotib oliş bilan boğliq bitimlar.

Hujjatga köra, 2030 yilgaça mamlakatda ikki muhim maqsadga erişiş rejalaştirilgan. Ulardan biri — yalpi içki mahsulotga nisbatan kuzatilmaydigan iqtisodiyot uluşini 1,3 baravarga qisqartiriş. Ikkinçisi esa savdo va xizmat körsatiş sohalarida aholi tomonidan amalga oşiriladigan naqd pulsiz tölovlar uluşini 75 foizga yetkazişdan iborat.