Telefon raqami özganing nomida bölsa, bank ilovasi işlamay qoladimi? Markaziy bank izoh berdi

Markaziy bank 22 apreldan boşlab masofaviy moliyaviy xizmatlarda joriy etiladigan yangi xavfsizlik talablari yuzasidan izoh berdi. Unda telefon raqami boşqa şaxs nomida bölsa, bank ilovalaridan foydalanib bölmaydi degan qaraşlar notöğri ekani takidlandi.

Qayd etilişiça, yangi tartib faqat 22 apreldan keyin röyxatdan ötadigan yangi mijozlarga tatbiq etiladi. Unga köra, telefon raqami, JŞŞIR va bank kartasi egasiga oid malumotlar özaro mosligi tekşiriladi. Agar barça malumotlar bir şaxsga tegişli bölsa, foydalanuvçi ilovalardan odatdagidek foydalanişda davom etadi.

Şuningdek, telefon raqami yaqin qarindoşlar — ota-ona, opa-singil, turmuş örtoği yoki farzand nomida bölsa ham muammo yuzaga kelmaydi. Bunday holatlarda foydalanuvçilarga qöşimça çeklovlar qöllanilmaydi.

Biroq telefon raqami yoki bank kartasi foydalanuvçiga aloqador bölmagan begona şaxs nomida bölsa, röyxatdan ötişda muammolar yuzaga kelişi mumkin. Şu bilan birga, hozirda bank ilovalaridan foydalanayotgan mijozlar uçun amaldagi tartiblar özgarişsiz qoladi.

Eslatib ötamiz, yangi tartibga köra, foydalanuvçilarni masofadan biometrik aniqlaşda qöşimça xavfsizlik çorasi joriy etiladi. Endilikda tizimlar foydalanuvçining haqiqiy ekanini aniqlovçi maxsus “liveness detection” texnologiyasi orqali tekşiradi va bu jarayon real vaqt rejimida işlaydi.