Joriy yilning birinçi çorak yakunlariga köra, Özbekistondagi jami 34 ta tijoriy banklarning aktivlar hajmi 962,8 trillion sömni taşkil etib, uning 629 trillion söm qismi kreditlar uçun sarflangan. Bu haqda Markaziy bank xabar qildi.

Malum qilinişiça, 2026 yil 1 may holatiga Özbekistonda faoliyat yuritayotgan 34 ta tijorat bankining jami aktivlari 962,8 trillion sömni taşkil etgan. Aktivlar hajmi böyiça eng yirik 12 ta bank (aktivlari 30 trillion sömdan yuqori) hissasiga bank tizimi aktivlarining qariyb 80 foizi yoki 767,6 trillion sömi töğri kelgan.

Kredit portfelining asosiy qismi ham aynan yirik banklarda jamlangan. Bank tizimidagi jami 629 trillion sömlik kreditlarning 521,5 trillion sömi yoki 83 foizi aktivlari 30 trillion sömdan yuqori bölgan banklar hissasiga, yani ayni öşa 12 ta bankka töğri kelgan.

Qayd etilişiça, kreditlar tarkibida uzoq muddatli kreditlar ustunlik qilmoqda. Uzoq muddatli kreditlar jami 552,8 trillion söm bölgan. Ularning 459,6 trillion sömi yirik banklar tomonidan ajratilgan. Bank tizimining kapital bazasi ham yuqori darajada şakllangan. Jami kapital 144 trillion sömni taşkil etib, uning 111 trillion sömi aktivlari 30 trillion sömdan yuqori bölgan banklar hissasiga töğri kelgan.

Joriy yilning 1 may holatiga köra, bank tizimi 6,9 trillion söm sof foyda körgan. Kapital monandligi, yani xavfsizlik körsatkiçi esa 18,4 foiz darajasini körsatgan.

Regulyatorga köra, banklarda depozitlar hajmi ham ösişda davom etmoqda. Banklardagi aholi omonatlarining umumiy hajm 170,2 trillion sömga, yuridik şaxslar depozitlari esa 274,2 trillion sömga yetgan. Mazkur mablağlarning asosiy qismi yirik banklarda jamlangan bölsa-da, örta va kiçik banklar segmentida ham depozit bazasi bosqiçma-bosqiç kengayib borayotgani takidlangan.

Xulosa qilinsa, nafaqat joriy yilning 1 may holatigaça bölgan davrda, balki umuman olganda ham Özbekiston bank tizimida "gigantlar" (yirik banklar) asosiy rolda ötiribdi. Ular iqtisodiyotni eng katta pullar bilan taminlamoqda va asosiy riçag vazifasini bajarmoqda. Şu bilan birga, qolgan kiçik banklarning ham kapital aylanmasidagi hissasi nisbatan ortgan.

Eslatib ötamiz, avvalroq Markaziy bank asosiy stavkani 14 foiz darajasida özgarişsiz qoldirgani xabar qilingandi.