650 kg kolbasa Özbekistondan Qirğizistonga kiritilmadi
Özbekiston-Qirğiziston davlat çegarasining Öş viloyatida joylaşgan “Döstlik” çegara veterinariya nazorat punktida Özbekiston Respublikasidan olib ötilayotgan 650 kilogramm kolbasa mahsulotlarini Qirğiziston Respublikasi hududiga olib kirişga ruxsat berilmadi. Bu haqda Qirğiziston Respublikasi Qişloq xöjaligi vazirligi xabar berdi.
Çegara veterinariya nazorat punkti inspektorlari tomonidan yukni tekşiriş davomida Yevroosiyo iqtisodiy ittifoqining veterinariya-sanitariya talablari buzilganligi aniqlangan. Xususan, mahsulotning markirovkasi mavjud emasligi va u veterinariya-sanitariya talablariga javob bermasligi aniqlangan.
Aniqlangan qoidabuzarliklar asosida yukni Qirğiziston Respublikasi hududiga olib kiriş taqiqlangan. Inspektorlar tomonidan tegişli dalolatnomalar rasmiylaştirilgaç, yuk “Döstlik” çegara veterinariya nazorat punkti orqali Özbekiston Respublikasiga qaytarib yuborilgan.
“Davlat veterinariya nazorati davlat çegarasi orqali olib ötilayotgan hayvonot mahsulotlarining xavfsizligini taminlaşga, şuningdek, mamlakat hududiga belgilangan veterinariya talablariga muvofiq kelmaydigan tovarlar kirib kelişining oldini olişga qaratilgan”, deyiladi xabarda.
Eslatib ötamiz, avvalroq Qirğiziston Ösimliklarni kimyolaştiriş, himoya qiliş va karantin departamenti inspektorlari tomonidan “Döstlik” postida ötkazilgan fitosanitariya nazorati davomida Özbekiston Respublikasidan olib borilgan 21 tonna tarvuz partiyasi tekşirilib, qaytarib yuborilgandi.