Bugun, 3 iyul kuni Oliy sud raisi Robaxon Mahmudova raisligida Oliy sud Plenumi majlisi bölib ötdi. Bu haqda Oliy sud matbuot xizmati xabar berdi.

Qayd etilişiça, majlisda Oliy Majlis palatalari azolari, sudyalar, Boş prokuratura, Konstitutsiyaviy sud, Sudyalar oliy kengaşi, Advokatlar palatasi, manfaatdor vazirlik va idoralar, huquqni muhofaza qiluvçi organlar hamda huquqşunos olimlar iştirok etgan.

 “Bugun amalga oşirilayotgan islohotlar natijasida odil sudlov izçil raqamlaştirilmoqda, sud jarayonlari oçiq, şaffof va nazoratli bölib bormoqda. Prezidentimiz qayta-qayta takidlaganlaridek, odamlar sudga oxirgi umid sifatida keladi va sud ostonasiga qadam qöygan har bir inson Yangi Özbekistonda adolat hukm surayotganiga işonç hosil qilişi kerak. Bunday işonçni qozoniş uçun sud amaliyotini töğri yölga qöyiş hamda qonuniy, adolatli va asoslantirilgan qaror qabul qilinişini taminlaş talab etiladi. Şu sababli, Oliy sud Plenumi tomonidan beriladigan tuşuntirişlar katta ahamiyatga ega”, deydi Oliy sud raisi.

Yiğilişda Oliy sud Plenumining “Sudlar tomonidan fuqaroni muomala layoqati çeklangan yoki muomalaga layoqatsiz deb topiş bilan boğliq işlarni körib çiqiş amaliyoti töğrisida”, “Fuqarolik, mamuriy va iqtisodiy sudlar tomonidan davoni taminlaş (dastlabki himoya) çoralarini körişning ayrim masalalari töğrisida” hamda “Özbekiston Respublikasi Oliy sudi Plenumi va Özbekiston Respublikasi Oliy xöjalik sudi Plenumining ayrim qarorlariga özgartiriş va qöşimçalar kiritiş töğrisida”gi qarorlari qabul qilingan.

Qayd etilişiça, qabul qilingan qarorlardagi tuşuntirişlar kelgusida qonunçilik normalarini töğri va bir xilda qöllaşga xizmat qilib, odil sudlovni amalga oşiriş, qonuniy va adolatli qarorlar qabul qilinişi bilan bir qatorda sudlar tomonidan qonun normalari bir xilda talqin qilinişi va yagona sud amaliyotini yaratişga qaratilganligi bilan ahamiyatli.

Eslatib ötamiz, uşbu Oliy sud Plenumi majlisi Özbekistonning sud tarixida birinça marta onlayn efirga uzatildi.